Lo ngiemboon es una lenga bamileke parlada en Cameron.
Localisacion Lo ngiemboon es parlat dins lo departament bamboutos e tamben dins aquel de Menoua, dins la Region de l'Oèst de CameronAnderson 2007, p. 3..
Classificacion Lo ngiemboon fa partida del grop bamileke de las lengas grassfields de l'èst, amb lo fe'fe', lo ghomala', lo kwa', lo ngwe, lo mengaka, lo medumba, lo ngomba, lo ngombale, lo nda'nda' e lo yembaWatters 2003, p. 232-233..
Escritura L'alfabet ngiemboon es: Majusculas A B C D E Ɛ F G H I J K L M N Ŋ O Ɔ P R Pf S Sh T Ts U Ʉ V W Ẅ Y Ÿ Z ʼ Minusculas a b c d e ɛ f g h i j k l m n ŋ o ɔ p r pf s sh t ts u ʉ v w ẅ y ÿ z ʼ L'alfabet utiliza fòrça grafias complexas per notar unes fonèmas; exemples: nŋ, mm, dy, ly, pfw, tsw , dẅ, dÿ, shÿ, zsAnderson 2007, p. 6-11.. Las vocalas longas son escrichas dobladas : aa, ee, ɛɛ, ii, oo, ɔɔ, uu, ʉʉAnderson 2007, p. 13..
Los tons son indicats amb de diacritics sus las vocalasAnderson 2007, p. 17.: lo ton naut es escrich amb l'accent agut: shÿóo « elefant », lecÿɔ́’ « taula » lo ton bas es pas escrich: lezse « verruga », ngẅi « pantèra » lo ton naut-davalant es indicat per un accent circonflèx: pîa « avocat (fruch) » lo ton bas-davalant es indicat amb l'accent grèu: zẅìge « respiracion », mÿɔ̀g « lagui » lo ton montant es escrich amb l'antiflèx: sɔ̌ɔn « mercat », fʉ̌ŋ « nafra »
Referéncias
Fonts Stephen C. Anderson, 2007, Précis d’orthographe pour la langue ngiemboon, Yaoundé, SIL. John R. Watters, 2003, Grassfields Bantu, in Derek Nurse, Gérard Philippson, (eds.), p. 225-256, The Bantu languages, Routledge Language Family Series 4., Londres e Nòva York, Routledge.
Categoria:Inventari de lengas Categoria:Lenga bamileke Categoria:Lenga de Cameron