drecha|sens_quadre La Gendarmariá nacionala es una fòrça armada francesa encargada de las missions de polícia e plaçada jos la tutèla del ministèri de l'Interior. Contràriament als policièrs, sos membres son de militars.
La Gendarmariá es abitualament encargada de la seguretat dins las zònas ruralas e periurbanas, alara que la Polícia nacionala es encargada d'aquesta mission dins las zònas urbanas. Las doas fòrças an atal caduna una zòna de responsabilitat pròpria, dichas ZGN per la Gendarmariá nacionala, o ZPN per la Polícia nacionala e mai se d'unas missions pòdon èsser complidas indiferentament per las doas fòrças sus l'ensemble del territòri (polícia judiciària, manten de l'òrdre o secors en montanha per exemple).
Lo dever d'agir o de reagir del gendarma Lo gendarma a d'obligacions talas que l'obligacion d'intervenir, de portar secors, aquelas que son comunas a totes los ciutadans, l'obligacion de denonciar los marrits tractaments suls menors e denonciar un crime.
En unifòrme o en civil, lo gendarma deu intervenir, far cessar l'infraccion e arrestar l'autor. Se aquestas obligacions son pas respectadas, faràn l'objècte de sancions penalas e disciplinàrias.
Nòtas e referéncias
Vejatz tanben
Articles ligats
Gendarmariá GIGN Gendarmariá mobila GendBuntu Polícia francesa
Ligams extèrnes
Pagina oficiala sul site del ministèri de l'Interior Pagina oficiala sul site del ministèri de la Defensa
Categoria:Armada francesa Categoria:Defensa e seguretat Categoria:Servici public en França