Lo khwarezmian (o khwarazmian, corasmian, khorezmian, coresmian) es una lenga iraniana atudada que foguèt parlada en Khwarezm en Ozbequistan, e tamben en Cazacstan e Turcmenistan actuals.
Classificacion Lo khwarezmian es una lenga iraniana orientala qu'es donc pròcha de las autras lengas iranianas mejanas conegudas en Asia Centrala e en Turkestan, lo bactrian, lo khotanés e subretot del sogdian.
Descubèrta de la lenga Lo khwarezmian foguèt identificat al començament del sègle XX per de glòsas contengudas dins de manuscrits en lenga aràbia, subretot lo Qunyat al-munya li tâtmin al-ghuna, un tractat juridicMacKenzie 1990, p. 1.. En 1948, un exemplari del diccionari d'arabi Muqaddimat al-’adab qu'èra glosat en khwarezmian foguèt descubèrt, mas jamai publicatMcKenzie 1990, p. 2..
Qualques materials epigrafics del sègle II apC existisson dins una escritura aramèa, sus de monedas, de fusta o de cuèr. La lenga foguèt remplaçada per de parlars turqueses a la fin de l'Edat Mejana.
Escritura Los materials khwarezmians dels manuscrits arabis son escriches amb l'alfabet arabi e son datats dels sègles X e XIVEdel'man 2000, p. 95..
Referéncias
Fonts Iosif M. Oranskij, 1977, Les langues iraniennes, traduit per Joyce Blau, Institut d'études iraniennes de l'Université de la Sorbonne Nouvelle, documents et ouvrages de référence 1, París, Librairie C. Klincksieck. David N. MacKenzie, 1990, The Khwarezmian Element in the Qunyat Al-Munya , Londres, School of Oriental and African Studies, University of London. Д. И. Эдельман, 2000, Xopeзмийский язык, dins Языки мира, Иранские языки III, Восточноиранские языки, p. 95-105, Moscòu, Indrik. A. A. Фpeйман, 1951, Xopeзмийский язык. Maтерилы и иccледования, 1, Moscòu, Izdatel'stvo Akademii Nauk SSSR.
Categoria:Inventari de lengas Categoria:Lenga iraniana Categoria:Lenga d'Ozbequistan Categoria:Lenga de Turcmenistan Categoria:lenga de Cazacstan Categoria:Lenga mòrta