L’óblast de Kaliningrad (en rus: Калинингра́дская о́бласть, ), que li dison tanben la « Russia baltica », o lo « país de l'ambre » (rus; Янтарный Край, ), es un enclavament rus en riba de la mar Baltica, enrodat al nòrd e a l'èst per Lituània e al sud per Polonha. L'óblast de Kaliningrad, lo Voivodat de Vàrmia e Mazúria en Polonha e lo Memelland (region de Memel/Klaipeda en Lituània actuala) an remplaçat en 1945 la Prússia Orientala, uèi desapareguda, qu'aparteniá a z-Alemanha. A partir d'aquesta data, la region foguèt integrada a la Republica socialista federativa sovietica de Russia (una de las quinze republicas sovieticas de l'ex-Union sovietica). L'óblast, d'una superfícia de , a una populacion de abitants (2016). Sa capitala es Kaliningrad (ancianament Königsberg).
L’óblast de Kaliningrad es la region pus occidentala e plus pichona de la Federacion de Russia. Es separada del rèsta de Russia per tres frontièras internacionalas, e la vila pus pròcha, Pskov, se tròba a 600 km d'aquí. k