La batalha de Five Forks se debanèt lo 1 d'abriu de 1865 durant la Guèrra de Secession (1861-1865). Opausèt una armada unionista de òmes dirigits per lo generau Philip Sheridan ai fòrças confederadas de George Pickett ( òmes). S'acabèt per una victòria decisiva dei Nordistas que ganhèron definitivament la guèrra dins lei jorns e setmanas seguentas.
La posicion de Five Forks èra una crosiera fòrça importanta situada au sud dau perimètre defensiu Richmond-Petersburg ont èran concentradas la màger part dei tropas alinhadas per lei dos camps sus lo teatre orientau de la guèrra. Lei Sudistas ne'n preparèron la defensa gràcias a un ret de trencadas. Pasmens, quand lei Nordistas ataquèron, lo comandament èra absent e leis unitats sudistas s'afondrèron rapidament.
Pickett perdiguèt aperaquí òmes durant la batalha còntra 800 per son adversari. Dins aquò, la consequéncia pus importanta de la batalha foguèt la rompedura de l'ala drecha dau dispositiu sudista qu'èra encargat de la proteccion de Richmond e de Petersburg. Menaçat d'enceuclament, lo generau Robert E. Lee foguèt obligat d'abandonar una partida de sei tropas per assaiar de s'escapar amb lo rèsta vèrs l'oèst. Fòrça malaisada, aquela retirada s'acabèt per una revirada amb la capitulacion d'Appomatox. Minadas per la pèrda de son armada pus importanta, leis autrei fòrças de la Confederacion capitulèron dins lo corrent dei mes seguents.
Liames intèrnes
Guèrra de Secession.
Bibliografia
Nòtas e referéncias
Categoria:Batalha de la Guèrra de Secession