L'arrondiment de Baiona qu'ei ua division administrativa e ua anciana division electorau dinc a la fin de la Tresau Republica peus conselhèrs d'arrondiment e per l'eleccion deus deputats francesa situada dens lo departament deus Pirenèus Atlantics e la region de Navèra Aquitània, ancianament d'Aquitània. Las lengas autoctònas que son lo basco e l'occitan gascon.
Istòria L'arrondiment que's creè en 1800. Que'u modifiquèn en 1926 quan dispareishón los ancians arrondiments de Maulion e d'Ortès : l'arrondiment de Baiona que ganhè alavetz 4 cantons de l'ancian arrondiment de Maulion.
Dab la refòrma cantonau de 2014, aplicada en 2015, lo nombre de cantons qu'estó dividit per dus, un canton navèth que pòt estar sus dus arrondiments.
En 2017, que modifiquèn la composicion deus arrondiments per tau de'us adaptar aus limits de las intercomunalitats e de las circonscripcions legislativas. L'arrondiment de Baiona que perdó la comuna gascona de Gestars, qu'ei de la comunautat de comunas deu Bearn deus Gaves https://www.sudouest.fr/2017/01/10/a-quoi-servent-donc-les-arrondissements-3089754-4316.php.
Composicion dinc a 2015 Abans 2015 l'arrondiment que's compausava de 19 cantons: Canton d'Anglet Dessús Canton d'Anglet Devath Canton de Baiona Darrèr Canton de Baiona Davant Canton de Baiona Devath Canton de La Bastida de Clarença Canton de Biàrritz Darrèr Canton de Biàrritz Davant Canton de Bidaishe Canton d'Espeleta Canton d'Hazparne Canton d'Hendaia Canton d'Ihòldi Canton de Sent Estève de Baigòrri Canton de Sent Joan de Lus Canton de Sent Joan Pè de Pòrt Canton de Sent Palai Canton de Sent Pèr d'Irúber Canton d'Ustaritz
Composicion de 2017 ençà Lo nombre de comunas qu'èra de 123 en 2016 e de 122 en 2017, pr'amor deu passatge de la comuna gascona de Gestars de l'arrondiment de Baiona a l'arrondiment d'Auloron.
Nòtas
Categoria:Pirenèus Atlantics Categoria:Arrondiment deus Pirenèus Atlantics Categoria:Arrondiment francés