En matematicas e logica, un teorèma es una assercion demostrada, es a dire establida a partir d'autreis assercions ja demostradas (autrei teorèmas...) ò d'assercions acceptadas coma veraias (axiòmas, ipotèsis de reflexion...). Es donc una consequéncia logica d'un sistèma deductiu, çò que lo diferencia d'una lèi scientifica obtenguda a partir d'experiéncias.
Tradicionalament, un teorèma es presentat segon un encaminament de tres etapas : leis ipotèsis presentan lei condicions de basa per aplicar lo teorèma. una conclusion (ò tèsi) presenta una afiermacion matematica ò logica que s'aplica se leis ipotèsis son respectadas. una demostracion, constituïdas d'un ensemble d'elements logics (axiòmas, autrei teorèmas, resultats precedents...), permet d'establir lo liame entre leis ipotèsis e la conclusionUn meteis teorèma pòu aver mai d'una demostracion..
Totjorn d'un biais tradicionau, leis assercions permetent d'establir un teorèma son classadas segon una terminologia especifica : un lema es una assercion intermediària que permet de demostrar la validitat d'una assercion pus importanta. un corollari es un resultat dirèctament obtengut a partir d'un teorèma demostrat. una proposicion es un resultat relativament simple qu'es pas associada amb un teorèma particular. una conjectura es una proposicion matematica qu'es pas demostrada. Pòu venir un teorèma après demostracion. L'ensemble dei teorèmas que pòdon èsser trobats a partir d'un ensemble d'axiòmas es dich teoria.
Liames intèrnes
Axiòma. Logica. Matematicas.
Bibliografia
Nòtas e referéncias