thumb|right|200px|Jean-louis Aubert sus l'empont en 2016 (ambe son fidèl bataire al fons : Richard Kolinka) Jean-Louis Aubert es un cantaire, guitarrista e compositor francés de París. Au començament, fasiá de rock francés ambe son grop Téléphone, que n'es estat lo cantaire entre 1976 e 1986, puèi s'es virat cap a d'autras influéncias pendent sa carrièra solò, coma la cançon francesa (Quand Paris s'éteint, Bien sûr) o lo funk (Tel est l'amour, Locataire).
Biografia
Jean-Louis Aubert es nascut lo 12 d'abril de 1955 a Nantuat dins l'èst de França pr'amor qu'a-n'aqueste moment, son paire i trabalhava coma jos-prefet. Mès a sustot viscut aprèp en region parisenca (a partir de 1959).
Descobrís encara pichon de caps 1964 los Beatles, çò que serà per el una revelacion e lo balharà enveja de far de rock. Aital, tre 1971 monta son primièr grop al licèu. En cambiar de licèu en 1973, rencontra un autre licean que jòga tanben de guitarra : Louis Bertignac. En 1975, fòrma lo grop Sémolina ambe lo bataire Richard Kolinka e enregistra un 45 torns ençò de WEA pendent l'estiu de 1976 : Jean-Louis Aubert i canta lo tròç de la fàcia B que se ditz Plastic rocker. Lo Richard a organisat un concèrt pel 12 de novembre de 1976 au Centre American de París, a part qu'entre temps lo grop Sémolina se's desseparat. Demanda alavetz a Jean-Louis d'i anar cantar. Còp-sèc, Jean-Louis sona lo Louis Bertignac per los i acompanhar coma guitarrista. Lo Louis Bertignac accèpta, en i menar una bassista, sa companha a-n'aqueste moment, que se sona Corine Marienneau. Es aital qu'es nascut lo grop Téléphone.
En 1986, Téléphone se dessepara. Jean-Louis Aubert contunha pr'aquò la musica ambe Richard Kolinka e d'autres musicians jos lo nom de Aubert'n'Ko au començament, puèi simplament Jean-Louis Aubert tre lo second album Bleu, Blanc, Vert en 1989. Obteng d'alhor un primièr tube en 1986 tre son primièr 45 torns pòst-Téléphone, Juste une illusion. Lo primièr d'una longa seria, que n'aurà fòrça d'autres, coma Temps à nouveau en 1993, Alter ego fin 2001 etc.
Entretemps, Téléphone s'es tornat formar ocasionalament, mès sens la Corine : Jean-Louis Aubert, Richard Kolinka e Louis Bertignac son alavetz montats sus l'empont en 2017 jos lo nom de « Les Insus » (vist qu'es pas exactament Téléphone sens la Corine).
Discografia (aprèp Téléphone) Plâtre et Ciment (1987) Bleu Blanc Vert (1989) H (1993) Stockholm (1997) Comme un accord (2001) Idéal standard (2005) Roc éclair (2010) Les Parages du vide (2014) Refuge (2019) Pafini (2024)
Cançons mai conegudas (aprèp Téléphone) Juste une illusion (1986) Les plages (1987) Quand Paris s'éteint (1987) Tel est l'amour (1987) Locataire (1989) Voilà, c'est fini (1990) Univers (1990) Temps à nouveau (1993)http://www.chartsinfrance.net/Jean-Louis-Aubert/Temps-a-nouveau-s1639.html Entends-moi (1993) Toi que l'on n'Homme pas (1993) Moments (1994) Le bateau sous la terre (1994, version sus l'empont) Le jour se lève encore (1997) Alter Ego (2001)http://www.chartsinfrance.net/Jean-Louis-Aubert/Alter-ego-s4218.html Commun accord (2002) Milliers, Millions, Milliards (2002) Sur la route (2003, ambe Raphaël)http://www.chartsinfrance.net/Raphael--Jean-Louis-Aubert/Sur-la-route-sc4811.html Parle-moi (2005)http://www.chartsinfrance.net/Jean-Louis-Aubert/Parle-moi-sc5810.html Ailleurs (2006)http://www.chartsinfrance.net/Jean-Louis-Aubert/Ailleurs-s5943.html À ceux qui passent (2007) Demain sera parfait (2010)http://www.chartsinfrance.net/Jean-Louis-Aubert/Demain-sera-parfait-s19465.html Bien sûr (2019)http://www.chartsinfrance.net/Jean-Louis-Aubert/Bien-sur-s49689.html Merveille (2024)
Vejatz tanben Téléphone
Referéncias
Aubert, Jean-Louis Aubert, Jean-Louis Aubert, Jean-Louis Aubert, Jean-Louis Aubert, Jean-Louis Aubert, Jean-Louis Categoria:Cantaira e cantaire dels ans 2000 Categoria:Cantaira e cantaire dels ans 2010 Categoria:Cantaira e cantaire dels ans 2020