thumb|250px|Gérald De Palmas Gérald Gardrinier, dit De Palmas, nascut lo 14 d'octobre de 1967 a l'isla de La Reünion, es un cantaire pop rock francés. De Palmas es tot simplament lo nom de sa menina.
Biografia Gérald De Palmas es de soca bretona per son paire. A dètz ans quand sos parents te quitan La Reünion per s'installar en Occitània a z-Ais, en Provença. En 1985, a dètz-e-ueit ans, fòrma lo grop pop new wave Les Max Valentin ambe Édith Fambuena e Jean-Louis Piérot.
Tostemps a z-Ais, a l'escadença d'un encontre ambe Étienne Daho en virada per la promocion de son album Pop Satori en 1986, le presenta lors cançons. Étienne Daho alavetz prepausa au grop de signar sus son label. Aital, sortisson dos 45 torns, Les Maux dits fin 1987, puèi Printemps parapluie en 1988.
Pr'aquò, après 1988, decida de contunhar de far de musica en solitari.
En 1994, sortís donc La Dernière Année, lo primièr album solò de De Palmas. Es una capitada de las gròssas, la cançon Sur la route foguèt un tube màger de la fin de l'annada de 1994 en França.
L'arcuelh pel segond album Les Lois de la nature sortit en 1997 es mens bon.
Pasmens, coneís la consecracion en 2000 ambe lo tresen album, Marcher dans le sable, que conten sa cançon la mai coneguda, J'en rêve encore, ambe un tèxte escrit per Jean-Jacques Goldman. L'album se vend a mai d'un milion d'exemplaris ! devengut un dels cantaires los mai populars de França, es sollicitat per Johnny Hallyday per escriure qualquas cançons per son album À la vie à la mort. Es el per exemple qu'a escrit la cançon Marie qu'es devenguda una de las mai gròssas capitadas de Johnny Hallyday, numero 1 de la ventas de disques en França a la fin de l'annada de 2002http://www.chartsinfrance.net/Johnny-Hallyday/news-105684.html.
En 2004, publica son quatren album, Un homme sans racines, que conten los tres tubes Elle danse seule, Au Paradis e Elle habite ici.
Discografia (aprèp Les Max Valentins)
1994: La dernière année 1997: Les Lois de la nature 2000: Marcher dans le sable 2004: Un homme sans racines 2009: Sortir 2013: De Palmas 2016: La Beauté du geste
Cançons mai conegudas Les maux dits (1987, Les Max Valentin) Sur la route (1994) Comme une ombre (1995) Sans recours (1995) J'en rêve encore (2000)http://www.chartsinfrance.net/Gerald-de-Palmas/J-en-reve-encore-s3797.html Une seule vie - Marcher dans le sable (2001) Tomber (2001) Regarde-moi bien en face (2002) Elle s'ennuie (2002) Elle danse seule (2004) Au Paradis (2005) Elle habite ici (2005)
Referéncias
Categoria:Cantaire francés Categoria:Naissença en 1967 Categoria:Grop de musica dels ans 1980 Categoria:Cantaira e cantaire de rock francés Categoria:Cantaira e cantaire dels ans 1990 Categoria:Cantaira e cantaire dels ans 2000 Categoria:Cantaira e cantaire dels ans 2010