Mary Elizabeth Truss, dita Liz Truss, nascuda lo 26 de julhet de 1975 a Oxford, es una femna politica britanica. Venguèt Primièra ministre del Reialme Unit lo 6 de setembre de 2022, l'endeman de son eleccion a la direccion del Partit conservator. Demissionèt 45 jorns après.
Liz Truss ocupèt de fonccions al cabinet dempuèi 2014, quora venguèt secretària d'Estat a l'Environament, a l'Alimentacion e als Afares rurals dins lo primièr governament de David Cameron. Venguda lord chancelier e secretària d'Estat a la Justícia en 2016 amb Theresa May, puèi secretària d'Estat al Comerci internacional e presidenta de la Commission del Comerci en 2019 amb Boris Johnson, foguèt nomenada secretària d'Estat als Afars estrangièrs, del Commonwealth e del Desvolopament en 2021.
Categoria:Primièr ministre del Reialme Unit Categoria:Naissença en Anglatèrra