Nirvana foguèt un grop de musica rock estatunidenc originari d'Aberdeen, dins l'estat de Washington. Aquel grop es considerat coma lo lider del movement grunge.
Biografia
Fondat en 1987, lo grop se desaparèt en 1994 pr'amor de la mòrt del cantaire, guitarrista e compositor Kurt Cobain.
Amb la cançon Smells like teen spirit del disc Nevermind, Nirvana deven un grop popular tre 1991 als Estats Units (en 1992 sonque en Occitània). Aquel succès foguèt sobte e intens. Lo grop, qu'èra una formacion de rock alternatiu al mièg de fòrça autras, se retrobèt celèbre quasiment del jorn a l'endeman. En mai, lo public se focalizèt fòrça sus la sola cançon "Smells Like Teen Spirit", çò que creèt un decalatge entre Nirvana e sos fans novèls : al cap d'un moment foguèron lasses de jogar aquela cançon e comencèron de se trufar del public en la jogant en playback o en fasent d'autras cançons a la plaça dins d'emissions de telé.
Lo tresen album, In Utero, es mai sorne que Nevermind, e tanben pus experimental. A l'epòca, Kurt Cobain disiá que fòrça fans de Nirvana anavan daissar d'escotar lo grop, qu'anavan pas aimar aquel disc e ne semblava puslèu content. Es lo darrièr album estúdio que lo grop publiquèt, vist que Kurt moriguèt pauc de temps après.
Discografia
1989 : Bleach 1991 : Nevermind 1992 : Incesticide 1993 : In Utero 1994 : MTV Unplugged in New York 1995 : Singles 1996 : From the Muddy Banks of the Wishkah 2002 : Nirvana 2004 : With the Lights Out 2005 : Sliver: The Best of the Box
Vejatz tanben Kurt Cobain Dave Grohl Grunge
Categoria:Grop de rock american Categoria:Grop de musica american categoria:Grop de rock Categoria:Grop de musica dels ans 1990 Categoria:Grunge