L’energia potenciala d'un sistèma fisic es l'energia, liada a una interaccion, qu'a la capacitat de se transformar en d'autrei formas d'energia (generalament en energia cinetica). Foncion dau sistèma, despend dei coordenadas d'espaci e sovent dau temps. Es egalament associada amb una fòrça conservativaUna fòrça conservativa deriva d'una energia potenciala.. Una proprietat importanta de l'energia potenciala es que la diferéncia entre leis energias potencialas associadas a dos ponchs de l'espaci es egala a l'opausat dau trabalh de la fòrça liada a aquela energia per anar d'un ponch a un autre que que siegue lo camin seguit per realizar aqueu percors.
A l'escala macroscopica, certaneis energias potencialas s'obsèrvan pus frequentament dins lei calculs : energia potenciala mecanica, energia potenciala gravitacionala, energia potenciala de pesantor, energia potenciala elastica, energia potenciala electrostatica... A l'escala microscopica, l'energia potenciala es dicha energia intèrna. Es alora compausada de l'energia de liason quimica e deis energias nuclearas qu'implican lei nucleons.
Liames intèrnes
Energia. Fisica.
Bibliografia
(en) Raymond A. Serway e John W. Jewett, Physics for Scientists and Engineers (8th ed.), Brooks/Cole cengage, 2010. (en) Paul Tipler, Physics for Scientists and Engineers: Mechanics, Oscillations and Waves, Thermodynamics (5th ed.), W. H. Freeman, 2004.
Nòtas e referéncias