Visage es un grop anglés eissit del corrent new wave format en 1978 a Londres (Anglatèrra) mai que mai conegut en Occitània e endacòm mai pel tube synthpop franco-anglés Fade to grey en 1981. Es estat fondat a l'origina per lo cantaire Steve Strange (de son nom vertadièr : Steven John Harrington), ambe Midge Ure, Rusty Egan e Billy Currie. D'autres musicians van completar un pauc mai tard aqueste nuclèu original de Visage, coma Christopher Payne (que participèt a la composicion de Fade to grey), Dave Formula, Barry Adamson e John McGeochhttps://popmusicdeluxe.fr/2018/10/22/visage-fade-to-grey/.
La votz femenina de la part en francés de la cançon Fade to grey es la de Brigitte Arens, una francofòna del Luxemborg, la companha a l'epòca de Rusty Egan. Per l'anecdòta, es pas ela que's pòt veire sul videoclip pr'amor que còsta Steve Strange, es la siá companha (l'anglesa Julia Fodor) que mima las paraulas.
Lo musician (guitara e clavièrs) escocés Midge Ure se tira de Visage en 1982, vist qu'èra en parallèl devengut tre 1979 lo cantaire d'un autre grop new wave anglés : Ultravox.
Discografia 1980: Visage 1982: The Anvil 1984: Beat Boy 2013: Hearts and Knives 2014: Orchestral 2015: Demons to Diamonds
Referéncias
Categoria:Grop de musica dels ans 1980 Categoria:Grop de musica britanic Categoria:New wave