right|200px|thumb|Dr. Alban en 2008
Dr. Alban (Lo Doctor Albanh), nascut Alban Nwapa lo 26 d'agost de 1957 au Nigèria, es un cantaire e rapaire anglofòn de Suècia. Es conegut per èsser l'un dels cantaires los mai populars del genre tècno dance dins las annadas 1990. Sas doas cançons las mai conegudas son It's my life e Sing Hallelujah en 1992 e 1993.
Biografia
A 23 ans, Alban Nwapa comença d'estudis de doctor dentista en Suècia. Es d'aquí que ven son nom de scèna, Lo Doctor Albanh, pr'amor de sos estudis en medecina dentari. Per las finançar, se lança dins la musica e trabalha coma discjòquei dins « Alphabet Street », una discotèca coneguda d'Estocòlme.
En 1990, encontra Denniz Pop del labèl musical « SweMix ». Amb Denniz Pop e Leila K, enregistra Hello Afrika, un primièr album dins un estili que mescla reggae, hip-hop e musica house, e qu'obteng una polida capitada, gràcias en particular au succès del single No coke en 1991.
En 1992, Dr. Alban càmbia un pauc d'estili en se sarrant de la tècno dance ambe son segond album One Love que conteng un tròç que serà un tube enòrme en Euròpa tota : It's my life. En seguida, sa cançon Sing Hallelujah que sortís en single en 1993 a encara mai de succès e demòra a l'ora d'ara la mai coneguda del Doctor Albanh.
Dr. Alban, coma plan mai d'autres artistas de sa generacion, comença de passar de mòda a partir de 1996 en seguida de l'aflaquiment de la tècno dance.
Discografia 1991: Hello Afrika 1992: One Love 1994: Look Who's Talking 1996: Born In Africa 1997: I Believe 2000: Prescription 2007: Back To Basics
Cançons mai conegudas No Coke (1991) It's My Life (1992)http://www.chartsinfrance.net/Dr-Alban/It-s-My-Life-sc1573.html Sing Hallelujah (1993)http://www.chartsinfrance.net/Dr-Alban/Sing-Hallelujah--sc1684.html Look Who's Talking (1994) Let The Beat Go On (1994)
Referéncias
Categoria:Naissença en 1957 Categoria:Cantaire suedés Categoria:Cantaira e cantaire dels ans 1990 Categoria:Cantaira e cantaire dels ans 2000 Categoria:musica electronica Categoria:Musica electronica dels ans 1990 Categoria:Musica electronica dels ans 2000 categoria:house