Deep Purple es un grop de rock britanic, originari de Hertford, Hertfordshire, en Anglatèrra, considerat coma un dels pioniers del hard rock, e qu'es devengut ambe Led Zeppelin l'un dels grops los mai influents de las annadas 70.
La cançon la mai conegudas del grop es Smoke on the water, ambe son legendari riff de guitarrahttps://www.rollingstone.fr/deep-purple-interview/.
Deep Purple es tostemps estat un grop compausat de cinq sòcis, pr'aquò los musicians an sovent cambiat.
La formacion originala es compausada de Rod Evans au cant, de Ritchie Blackmore a la guitarra, de Nick Simper a la bassa, de Jon Lord a l'òrgue e de Ian Paice a la batariá. Jos aquela forma, Deep Purple enregistra tres albums influenciats pel movement psiquedelic e la musica classica. Aquela primièra version de Deep Purple va aver plan d'ora un primièr succès ambe una represa de Hush, una cançon escricha per Joe South pel cantaire american Billy Joe Royal e que Deep Purple a descobèrt per la interpretada per lor compatriòta britanic Kris Ife.
L'arribada en 1969 del cantaire anglés Ian Gillan e del bassista galés Roger Glover correspond au moment ont lo grop es au som (1969-1973), es d'alhors a n'aquela epòca (1972) qu'es enregistrat l'album Machine Head que conten l'emblematic Smoke on the Water.
Après que Ian Gillan e Roger Glover se sian tirats del grop en 1973, lors remplaçants David Coverdale e Glenn Hughes fan virar musicalament Deep Purple cap a la soul e au funk, una evolucion afortida per l'arribada en 1975 del guitarrista Tommy Bolin (qui remplaça Ritchie Blackmore).
En 1976, lo grop se separa, mentre que lo guitarrista Tommy Bolin se morís d'una subredòsi de dròga.
Deep Purple se torna formar en 1984 autorn de Ian Gillan, Roger Glover e Ritchie Blackmore (dincas en 1993), puèi contunha dins las annadas 90 ambe Steve Morse e Don Airey.
Discografia 1968 : Shades of Deep Purple 1969 : The Book of Taliesyn 1969 : Deep Purple 1970 : In Rock 1971 : Fireball 1972 : Machine Head 1973 : Who Do We Think We Are 1974 : Burn 1974 : Stormbringer 1975 : Come Taste the Band 1984 : Perfect Strangers 1987 : The House of Blue Light 1990 : Slaves and Masters 1993 : The Battle Rages On 1996 : Purpendicular 1998 : Abandon 2003 : Bananas 2005 : Rapture of the Deep 2013 : Now What?! 2017 : Infinite 2020 : Whoosh! 2021 : Turning to Crime 2024 : =1 2026 : SPLAT!
Cançons mai conegudas Hush (1968, represa de Billy Joe Royal) Black night (1970) Child in time (1970) Strange kind of woman (1971) Highway star (1972) Smoke on the water (1973)https://suis-nous.com/lhistoire-de-smoke-on-the-water/ Woman from Tokyo (1973) Might just take your life (1974) Stormbringer (1975) Perfect strangers (1984) King of dreams (1990) Love Conquers All (1991) Anya (1993)
Referéncias
Categoria:Grop de musica britanic Categoria:Grop de rock Categoria:Grop de hard rock Categoria:Grop de rock britanic Categoria:Grop de musica dels ans 1960 Categoria:Grop de musica dels ans 1970 Categoria:Grop de musica dels ans 1980 Categoria:Grop de musica dels ans 1990