right|200px|thumb|Espectacle pirotecnic de Rammstein a Nimes en Occitània lo 13 de julhet de 2017 Rammstein, prononciat [ˈʁamʃtaɪn], es un grop de metal e ròck industrial alemand, aparentat al sosgenre Neue Deutsche Härte, originari de Berlin (Alemanha). Format en 1994, se compausa dempuèi la debuta de sièis membres. Es l'un dels grops mai populars del ròck alemand en general, e del metal alemand en particular, ambe mai de 35 milions d'albums venduts.
Rammstein es tanben conegut per l'espectacle pirotecnic de sos concèrts.
Rammstein es popular dins un fum d'autres païses qu'Alemanha dempuèi lor segond album, Sehnsucht, publicat en 1997.
I a de còps agut de polemicas a prepaus d'aquel grop, d'unes raprochant son imatjariá al nazisme, d'autres l'acusant, coma son omològ american Marilyn Manson, d'incitacion a la violéncia, çò que Rammstein a totjorn negat fèrmament, en disent que s'agís puslèu d'un gost per la provocacion, mas sens fons ideologic o violent, qu'es sonque una question de fòrma.https://www.parismatch.com/Culture/Musique/Le-clip-Deutschland-de-Rammstein-provoque-la-polemique-1615588
Lo nom del grop es inspirat de lo de la ciutat alemanda de Ramstein (près de Kaiserslautern), en referéncia a la catastròfa qu'i a agut pendent un espectacle aerian sus la basa militara americana de la vila en 1988, pendent lo qual 70 personas trobèron la mòrthttps://www.tdg.ch/il-y-a-30-ans-un-show-virait-au-drame-a-ramstein-435911971007. Los sòcis del grop an escrich una cançon sul tèma e l'an entitolada Rammstein (amb doas « m »), lo títol de la cançon es alavetz estat retengut coma nom pel grop. E fin finala, aquela cançon es a la longa venguda l'una de las mai conegudas del grop.
Los sièis sòcis actuals de Rammstein son Till Lindemann au cant, Richard Zven Kruspe a la guitarra a als còrs, Paul H. Landers (guitarra e còrs tanben), Oliver Riedel (bassa), Doktor Christian « Flake » Lorenz (escapolonaire) e Christoph « Doom » Schneider (batariá).
Discografia 1995 : Herzeleid 1997 : Sehnsucht 2001 : Mutter 2004 : Reise, Reise 2005 : Rosenrot 2009 : Liebe ist für alle da 2019 : Rammstein 2022 : Zeit
Cançons mai conegudas Rammstein (1995) Du hast (1997) Sonne (2001) Ich Will (2001) Amerika (2004) Deutschland (2019)
Referéncias
Categoria:Grop de musica alemand Categoria:Grop de rock alemand Categoria:Grop de musica dels ans 1990 Categoria:Grop de musica dels ans 2000 Categoria:Grop de musica dels ans 2010 Categoria:Grop de musica dels ans 2020 Categoria:Grop de hard rock Categoria:Heavy metal categoria:grop de heavy metal Categoria:Grop de rock Categoria:Rock gotic