right|200px|thumb|NOFX sus l'empont (2007) NOFX (prononciat [noʊεfεks]) es un grop de punk ròck anglofòn american originari de Los Angeles en Califòrnia (Estats Units). Es format en 1983 per Fat Mike, Erik Sandin e Eric Melvin.
A l'origina, Eric Melvin èra lo cantaire màger del grop, mas coma podiá pas tròp jogar e cantar a l'encòp, Fat Mike a prés lo relai coma cantaire. Pasmens, Eric Melvin canta sus d'unas cançons.
Enregistran Liberal Animation en 1988 ambe Brett Gurewitz de Bad Religion. L'annada d'après, lo grop sortís S&M Airlines (1989) e Ribbed en 1990. En 1991, NOFX patís de nombroses cambiaments, pasmens, los tres membres d'origina son amassas e El Hefe se junta al trio per formar un qüatuor. Pendent aquela meteissa annada, lo grop torna sortir l'album Liberal Animacion sus un labèl novèl.
Es en 1994, ambe la sortida de Punk in Drublic, que NOFX ven popular. Lo títol de l'album, mèscla de Drunk in Public (bandat en public) mòstra l'estat d'esperit de NOFX : actitud punk, musica rapida, tèxtes perspicaces e umor festiu.
Aqueste album Punk in Drublic sortís oportunament dins lo periòde del reviscòl del vam punk ròck del mièg de las annadas 1990 als Estats Units ambe las capitadas espectacularas de l'album Smash de Offspring e de l'album Dookie de Green Day. NOFX es alavetz remarcat en beneficiant de l'interès portat a n'aquel moment sus aquela jove e novèla scèna punk ròck americana, californiana en particular, çò que lor permetrà aital de ganhar una reputacion mondiala.https://www.metalorgie.com/groupe/NOFX
Discografia 1988 : Liberal Animation 1989 : S&M Airlines 1991 : Ribbed 1992 : White Trash, Two Heebs and a Bean 1994 : Punk in Drublic 1996 : Heavy Petting Zoo 1997 : So Long and Thanks for All the Shoes 2000 : Pump Up the Valuum 2003 : War on Errorism 2006 : Wolves in Wolves' Clothing 2009 : Coaster 2012 : Self Entitled 2016 : First Ditch Effort 2021 : Single Album 2022 : Double Album
Cançons mai conegudas Stickin in my eye (1992) Bob (1992) Linoleum (1994) Don't call me white (1994) Leave it alone (1995)
Referéncias
Categoria:Grop de rock american Categoria:Grop de musica american categoria:Grop de rock Categoria:Grop de musica punk Categoria:Grop de musica dels ans 1990 Categoria:Grop de musica dels ans 2000 Categoria:Grop de musica dels ans 2010 Categoria:Grop de musica dels ans 2020