Grant Lee Buffalo es un grop anglofòn american de ròck originari de Los Angeles, en Califòrnia. Es estat format en 1991 pel cantaire e guitarrista Grant Lee Phillips, amb Paul Kimble a la bassa e Joey Peters a la batariá, tres ancians sòcis dins las annadas 1980 d'un grop de ròck que se sonava Shiva Burlesque.
L'estili de Grant Lee Buffalo es una mena de fòlc ròck noisy amb quitament d'influéncias country. La cançon la mai coneguda de Grant Lee Buffalo e tanben caracteristica del dit estili es la balada Fuzzy, succès internacional en 1994.https://histoires.lestrans.com/fiche-artiste/grant-lee-buffalo-1993
En 1997, lo bassista Paul Kimble quita lo grop, e en 1999 lo grop se separa. Grant Lee Phillips contunha alavetz sa carrièra en sòlo.
En 2011, lo grop se torna formar per qualques concèrts als Estats Units e en Euròpa.
Discografia 1993: Fuzzy 1994: Mighty Joe Moon 1996: Copperopolis 1998: Jubilee
Referéncias
Categoria:Grop de rock american Categoria:Grop de musica american categoria:Grop de rock Categoria:Grop de musica dels ans 1990