Claudi Alranc (en francés Claude Alranq; Pesenàs, 21 de febrièr de 1947) es un comedian, dramaturg e meteire en scèna occitan. Fondèt en 1968 lo teatre de la Carrièra e foguèt un dels primadièrs del reviure del teatre en occitan durant la segonda mitat del sègle XX.
S'endralhèt puèi cap al mond universitari e l'ensenhament. Aital, en març de 1995, presentèt una tèsi sul teatre en occitan, dirigida per Gerard Goiran a l'Universitat Pau Valèri de Montpelhièr: Théâtre d'oc de 1939 a 1993. Trabalhèt aprèp coma ensenhaire e creèt puèi en 2000 la licéncia professionala Acteurs Sud.
Òbras en occitan Santa Marianna del Caçolet (1991) Titòla e la reina de Carnaval (1999) Titòla e la Fòla d’Halloween (2003) en francés Théâtre d'Oc contemporain 1939-1993 : les arts de jouer du midi de la France (1995) Répertoire du théâtre d'oc contemporain (1997) Au sud de Molière (2021) Referéncias
Ligams extèrnes
Categoria:Escrivan occitan Categoria:Naissença en 1947 Categoria:Naissença dins Erau