200px|right|thumb|La cantaira francesa Hoshi en 2018
Hoshi, escais de de Mathilde Gerner (Versalhas, 14 de setembre de 1996), es una cantaira francesa. Es passionada de cultura japonesa, çò qu'explica son nom de scèna Hoshi (星), que significa estela en japonés.
Comença de jogar de piano a sièis ans, puèi de guitarra a quinze ans. A la meteissa epòca, escriu sas primièras cançons.
A 21 ans, publica fin 2017 lo títol Ta marinière que serà un dels mai gròsses tubes de l'annada de 2018 dins los païses francofòns, e que l'impausarà coma l'una de las cantairas màgers de la novèla scèna francesa a partir d'aquesta periòde còsta Clara Luciani, Angèle e Louane.
Al mes d'abril de 2021, una polemica esclata en França pr'amor que lo productor francés Fabien Lecœuvre es acusat de sexisme de s'èsser trufat del fisic de la cantaira populara.https://actu.fr/societe/des-propos-de-fabien-lecoeuvre-sur-la-chanteuse-hoshi-cree-la-polemique_40924201.html
En 2025, participa al cant sus una version novèla de la celèbra cançon Lola del grop ròck francés Superbus, còsta tanben Nicola Sirkis, lo cantaire del grop Indochine.
Discografia 2018 : Il suffit d'y croire 2020 : Sommeil levant 2021 : Étoile flippante 2022 : Les Chansons d'Uta (bande originale de la version francesa del film d'animacion One Piece Film: Red) 2023 : Cœur Parapluie
Cançons mai conegudas Comment je vais faire (2017) Ta marinière (2017) Je vous trouve un charme fou (2019, ambe Gaëtan Roussel) Amour censure (2019) Et même après je t'aimerai (2021)
Referéncias
categoria:cantaira francesa Categoria:Cantaira e cantaire dels ans 2010 Categoria:Cantaira e cantaire dels ans 2020