Puigmal (nomenat tanben Puigmal d'Er en Nauta Cerdanha) es la montanha mai nauta dels Pirenèus Orientals ()Institut Cartogràfic de Catalunya. Altituds preses del Mapa Topogràfic de Catalunya 1:10.000, situada entre las comarcas de Nauta Cerdanha e Ripollés, es a dire a la frontièra entre França e Espanha.
Es situat sus las comunas de Queralbs (Ripollés) e Er (Nauta Cerdanha) e s'enauça coma lo pus naut dels sucs que forman la Gran Olla, qu'enròda la val de Núria. Es un pic larg e arredondit; son ascension es simpla si las condicions climaticas son bonas. Al suc i a una crotz de fèrre fargat e una placa amb de verses en catalan de Jacint Verdaguer:
«De puig en puig pel coll de Finestrelless'enfilen del Puigmal a l'alta cimatota la terra que el meu cor estimades d'ací es veu en serres onejar».
Pujada Via classica Comença a Queralbs ont i cal prene lo camin vielh o camin dels Pelegrins (GR-11) e que, en aperaquí doas oras e mieja, vos menarà fins al santuari de Núria. Lo camin puja ziga-zaguejant subretot entre de roiredas e amb un sotabòsc de falgueras dins las zonas mai umidas. Mai amont, trobèm de torrents que rajan en formant de gòrgas entre de grandas parets rocosas. S'aimatz mai tanben se pòt prene lo trin de cremalhera de Núria, inaugurat en 1931.
A partir del santuari, comença un camin simple en direccion oèst traversant lo bòsc de Sant Gil, d'ont caldrà seguir lo cors del torrent cap a la "comba de l'Embut" e arribar fins finala a un pluviòmetre. A partir d'aquí lo camin ven pus rocós amb un pendís pus prononciat. Un còp arribats a la crotz del suc auretz fach practicament 1000 metres de desnivelacion dempuèi lo Santuari de Núria en aperaquí doas oras. En davalar se pòt contemplar la val de Núria e, al fons de tot, entre combas e pendisses suaus, lo santuari de Núria amb a costat son estanh.
Referéncias
Categoria:Geografia de Catalonha categoria:Pirenèus Categoria:Montanha de Catalonha Categoria:Montanha dels Pirenèus espanhòls Categoria:Montanha dels Pirenèus Orientals Categoria:Som de Girona Categoria:Som dels Pirenèus Orientals