Jaufré de Monmouth (Monmouth, vèrs 1095 – St Asaph, 1155), foguèt un avèsque galés, autor de tèxtes de pretencion istorica al servici del rei Enric d'Anglatèrra, qu'escriviá en lenga latina e familiar del monastèri de Glastonbury.
Es conegut per èsser estat lo primièr de redigir una version fòrça estenduda de la legenda arturiana e que serviguèt de modèl a l'ensemble dels racontes arturians posteriors. Sul plan istoric, los istorians modèrnes considèran que sos tèxtes son largament deprovesits de tota basa istorica.
Òbras Entièrament redigida en latin, l'òbra de Jaufré se compausa, dins l'òrdre cronologic, de las Profecias de Merlin (Prophetiae Merlini), de l'Istòria dels reis de Bretanha (Historia regum Britanniae, escrita entre 1135 e 1138, en 12 libres), e de la Vida de Merlin (Vita Merlini, datada de 1149).
Categoria:Escrivan galés del sègle XIIen Categoria:istorian galés Categoria:Religiós galés Categoria:Naissença en 1095 Categoria:Decès en 1155