Regg'Lyss (mèscla de « reggae », « eslissa » e « regalícia ») es un grop de reggae francés d'Occitània.
Lo grop es estat fondat entre Montpelhièr e Seta en 1984 pel cantaire Roland Ramade a Fabregas (Lengadòc) e amassa un desenat de sòcis. Dison de lor estili qu'es de « Jamadoc », cal comprendre que mèsclan las influéncias de la musica jamaicana (lo reggae per exemple) a lor cultura occitana. Lo grop a tre la debuta una capitada locala sus l'empont dins lo Lengadòc.
Regg'Lyss publica son primièr album Vive les gestes en 1992. Tirat d'aqueste album, lor cançon Mets de l'huile ven lo tube de l'estiu 1993 en França, quitament numèro 1 al mes de setembre.https://lescharts.com/showitem.asp?interpret=Regg%27lyss&titel=Mets+de+l%27huile&cat=s En seguida, lo grop es nommat a las Victòrias de la musica en França en 1994.
Regg'Lyss se separa après la sortida del tresen album (Le monde tourne, 1997) per manca de resson per aqueste.
Dempuèi 2007, Roland Ramade canta dins lo grop occitan L'Art à Tatouille.https://www.ladepeche.fr/article/2012/07/05/1394103-l-isle-jourdain-escota-e-minja-l-art-a-tatouille-en-concert.html
Sòcis Roland Ramade - cant e armonica Doumé Levesque - batariá Rémi Levesque - guitarra ritmica Bernard Levesque - clavièrs Christian Azéma - percussions Zawé Fizin - guitarra melodica Pierre Diaz - saxofòn tenòr Alexandre Augé - saxofòns alto e soprano Victor Fanjul - trompeta André Fauquier - trombòne Yoann Devin (Bidir) - Lo manejaire
Discografia 1992 : Vive les gestes 1995 : El gusanillo 1997 : Le monde tourne
Cançons mai conegudas Vive les gestes (1993) Regg'Lyss... mets de l'huile (1993) Le rocher (1993) Jamadoc (1993) El gusanillo (1995)
Referéncias
Categoria:grops e cantaires d'Occitània Categoria:Grop de musica dels ans 1990 Categoria:Grop de musica francés Categoria:reggae