Alzau es una aiga lengadociana, situada dins les departaments de Tarn e subretot d'Aude e la region d'. Après le jonhent ambe son afluent Dura, son nom ven Rojana. Es un afluent de Fresquèl, donc un sos-afluent d'Aude.

Geografia La font d'Alzau es a 900m d'altitud, dins la Montanha Negra (Pargue Natural Regional del Naut Lengadòc), dins la comuna de La Bruguièira (près de Masamet). Alzau davala las pendas del pic de Montaud, près del tuc de Cò de Dàvid (1006 m) e del le Tèrme Negre (1031 m), dins le departement de Tarn, puèi passa dins Aude, ont son cors de direccion nòrd-sud s'efectua en quasi-totalitat. Travèrsa le lac de la Galauba a 723 m d'altitud, puèi le barratge de Sant Danís a 604 m d'altitud. Le sonan l'Alzau dins la partida nauta fins al jonhent ambe Dura, a Montoliu, puèi Rojana après le jonhent e Montoliu. Sembla çaquelà qu'aquel darrèr nom siá relativament recent. Alzau s'escampa en riba esquèrra dins Fresquèl a l'amont e al sud de Pesens, a 109 m d'altitud, al limit nòrd de Vilaseca-Landa. La longor del cors d'Alzau e Rojana es de 33.5 km. Le bacin d'Alzau es de 140.5 km²sandre|Y1350520|Alzau.

Toponimia Las fòrmas ancianas d'Alzau son : Alsau en 1146, Alsavum en 1262, Alzavum en 1308, Cum reco d'Alzau Abbé Sabarthès, Dictionnaire topographique du département de l'Aude, 1912, p. 7, legir en linha https://gallica.bnf.fr/ark:/12148/bpt6k110095d/f99.item.texteImage . N'i a pas per Rojana Abbé Sabarthès, Dictionnaire topographique du département de l'Aude, 1912, p. 360, legir en linha https://gallica.bnf.fr/ark:/12148/bpt6k110095d/f452.item.texteImage , signe que le nom es recent. I a una autra pròva, es que le masatge d'Alzau es sus un braç de Rojana. Probable que le nom de l'aglomeracion ven del nom de l'aiga, que se sonava Alzau quand le vilatge se creèt. Lo sufixe gallic -āvo-/-avo- pòt convenir Xavier Delamarre, Noms de lieux celtiques de l'Europe ancienne, ed. Errance, 2012, p. 21. Pel radical, coma las atestacions pus ancianas del masatge son en El-, es benlèu de tipe *Elusa-, *Elusio- Xavier Delamarre, Noms de lieux celtiques de l'Europe ancienne, ed. Errance, 2012, p. 149.

Comunas traversadas Alzau travèrsa 9 comunas, dont doás dins le departament de Tarn. Dins le departament de Tarn : La Bruguièira, Escorsens. Dins le departament d'Aude : La Prada, La Comba, Sant Danís, Saissac, Montoliu, Mossolens, Pesens.

Véser tanben Dura Fresquèl Ligams extèrnes SANDRE

Notas

Categoria:aiga d'Occitània Categoria:aiga de Tarn Categoria:aiga d'Aude