thumb|200px|Catedrala de Lombèrsthumb|350px|center|Mapa francesa deu Savés
Le Savés es un parçan d'OccitàniaSegon la classificacion de Frederic Zégierman. situat en Gasconha autorn d'afluents deu cors mejan de l'arriu Sava.
Le nom ei atestat Savensis en latin Émile Connac, Dictionnaire topographique du département de la Haute-Garonne, manuscrit, 1882, Vol. 4, p. 2642, cercar sus Gallica.
Las duas capitalas deu Savés que son las duas vilas vesias Lombèrs e Samatan : Lombèrs qu'èra un avescat dincas au Concordat de 1801, e la diocèsi de Lombèrs qu'èra precisament calcada suu plan ancian bacin de vita naturau d'aquera region poblada pendent l'Antiquitat per ua tribú d'Aquitans segon las honts romanas (Pagus Savensis, le país deus Savesians). Còsta Lombèrs, Samatan qu'èra la capitala politica, ua casteraniá qui serà fin finau restacada au comtat de Comenge au sègle 12au (de caps 1114-1120) en seguida deu maridatge de la casterana de Samatan, Dias de Murèth, dambe le Comte de Comenge Bernat Ir.
Las autas vilas pròishas associadas au Savés que son L'Isla de Haut, Riumas, Le Hosseret, e quitament de còps Sent Lis, ua bastida fondada en 1280 com le son nom l'indica peu rei de França dambe l'abadia de Planselva de Gimont e qui a alavetz integrat dens lo son bacin de vita mantuas parròquias deu nòrd-èst deu Savés. Per contra, sembla solide que la vila de L'Isla de Baish al nòrd n'ei pas jamei estada en relacion ambe le Savés : d'un punt de vista geografic, L'Isla de Baish qu'a totemps avut le son pròpi bacin de vita, e d'auta part, L'Isla de Baish qu'èra ua senhoria distinta de la casteraniá de Samatan (un quite comtat de caps la fin), en mès a pas jamei apartengut a la diocèsi de Lombèrs tanpauc.
Le Savés ei despartit entre les departaments de Gers e Hauta Garona ; costeja l'Astarac a l'oèst, le Borjac, le Comenge e mès enlà le Nebosan au sud, le Volvèstre e le Tolosan a l'èst, L'Isla de Baish, le Cogotés, le Gimoés, le Fesensaguet e mès enlà la Lomanha au nòrd. De notar que le Vescomtat de Cogotés, entre L'Isla de Baish e le Gimoés (Aurader, Marestanh, Fregovièla, Castilhon de Savés, Montferrand de Savés, Clarmont de Savés) qu'ei estat tardivament restacat au Savés (d'aquí les noms actuaus deus vilatges) : se parla alavetz puslèu de Nau Savés, o de Baish Savés.
Vejatz tanben Lombèrs Samatan Diocèsi de Lombèrs
Composicion
Cantons abans 2015 ComunasLe Hosseret (Hauta Garona)Castèthnau Picampau, Castia de la Branda, Gratens, Le Hosseret, Polastron, Poi de Tojas, Senta Aralha, Senarens L'Isla de Haut (Hauta Garona) Agaçac, Anvaths, Castèthgalhard, Casac, Coèlhas, Frontinhan de Savés, Godets, La Bastida de Paumèrs, Martissèrra, Mauvesin, Mirambèu, Riulàs Lombèrs (Gers) Espon, Laimont, Lombèrs, Montadet, Montagut de Savés, Montpesat, Poilausic, Sent Lisièr deu Plantèr, Sent Loba e Amadas, Sauvimont Riumas (Hauta Garona) Bèuhòrt, Berat, Hòrgas, La Bastida de Clarmont, La Haja, Lautinhac, Le Pin Murelet, Monés, Montastruc de Savés, Montgràs, Planhòla, Pojarramet, Riumas, Sabonèras, Sajàs, Savèra Sent Lis (Hauta Garona) Bragairac, Campbernat, Empèuts, Fontsòrbas, Fontanilhas, Següeda, Senta Fe de Peirolièras, Sent Tomàs Samatan (Gers) La Bastida de Savés, Montblanc, Nisàs, Nolhan, Pompiac, Samatan, Savinhac e Lo Monar, Seishas de Savés
Nòtas
Categoria:Savés Categoria:Parçan de Gasconha Categoria:Parçan occitan