Senta Maria de las Chasas (Sainte-Marie-des-Chazes en francés) z-es una anciana comuna auvernhassa situada dins lo departament del Naut Léger e la region d'Auvèrnhe-Ròse-Aups, ancianament d'Auvèrnhe. Dempueis 1975, z-es fusionada amb Siaugue Sent Roman, prumèirament en fusion associacion, pueis en 1997 en fusion simpla, dins la comuna de Siaugues-Sainte-Marie.

Geografia L'ancian borg, situat a un caireforc (RD 30 e RD 301), èra tot petit.

Toponimia Las fòrmas ancianas son Las Chasas en 1199, Parochia B. Mariaæ de Rilhaco en 1398, Sainte Marie en 1401, Ecclesia B. Mariaæ supra Casas en 1460, Le prieuré de S. Marie près le lieu des Chases, dépend du monast. des Chases en 1461, Marie-Pénible [sic] en 1793 Augustin Chassaing, Antoine Jacotin Dictionnaire topographique... de la Haute-Loire, 1907, p. 250 https://gallica.bnf.fr/ark:/12148/bpt6k392965/f299.item. Rilhaco de 1398 correspond a Rilhac, luòc situat alh sud delh borg. La prononciacion aproximativa de l'ancian chapluòc (o, a l'origina, d'un vialatge a costat) z-es [bu'na], que correspond a Vaunac (la plancarta pòrta Ste Marie-des-Chazes) Enquèsta delh contributor en 2024. Senta Maria z-es lo nom de Mariam, nom ebrèu de la Verge, latinizat en Maria. Chasas ven delh latin casa, cabana ----> ostau rural ----> proprietat Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 635-636 e p. 151, a Casabianca. Per Vaunac, nom aparent, i a tanben un Vaunac en Perigòrd, que sembla puslèu èsser un Veunac, d'origina desconeissuda segon Joan Ros Jean Roux, Dictionnaire toponymique des communes de Dordogne, ed. Novelum-IEO e Lo Congrès permanent de la lenga occitana, 2020, p. 709-710. Mas z-es lo meime nom ? Sembla pas e de mai lo nom es pas en -ac, mas en -as. Las fòrmas ancianas son Villa quæ nuncupatur Volnatius en 936, Mansus de Vaunas en 1455, Volnas en 1467, Vonac alh secle XVIII (mapa de Cassini), Vaunac en 1857 Augustin Chassaing, Antoine Jacotin Dictionnaire topographique... de la Haute-Loire, 1907, p. 2890 https://gallica.bnf.fr/ark:/12148/bpt6k392965/f338.item. Chau doncas postular un nom gallic d'òme Volonos Xavier Delamarre, Noms de lieux celtiques de l'Europe ancienne, ed. Errance, 2012, p. 277, derivat en -ate/-ati. Escriure Vonàs. Vergonzac Las fòrmas ancianas son Mansus de Vergongac en 1252, Vergonzac en 1351, Vergonzacum en 1465, Vergonsat en 1857 . La prononciacion aproximativa a Vaunac (o pusleu Vonaç) z-es ['veɾgon'za] . Se la fòrma de 1252 es la d'origina, lo començament delh nom pòt far pensar a Vergonjon, explicat per Dauzat ambelh nom latin d'òme Verecundius Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 707, a Vergoignan ; aicí seriá un nom (gallic) en -contios e lo sufixe -acum. Los noms gallics que començan per Uer son nombroses, Contios z-es tanben un nom d'òme. Vercontios , p. 273 , sembla una solucion (se lo nom d'origina es pas *Verecontios). Vergonzac èra una anciana granda proprietat antica. Rilhac Sembla un nom equivalent a Relhac (Lanjadés), qu'es tanben en realitat un *Rilhac, explicat pelh nom latin d'òme Regilius o Regulius, ambelh sufixe -acum Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 561. Rilhac èra una anciana granda proprietat galloromana. La prononciacion aproximativa a Vaunac (o pusleu Vonaç) z-es [ɾi'ja] .

Istòria En 1789, Senta Maria de las Chasas èra una collècta de la parocha de Las Chasas. Sa gleisa parochala, diocèsi de Sant Flor e archipreirat de Lanjac, èra consacrada a Nòstra Dòna. La glèisa çaguèt erigida en sucursala lo 20 de feurèir de 1846. Lo 9 d'aost de 1847, lo vialatge de Vergonzac passèt de Siaugues-Sent-Roman a Senta Maria de las Chasas [Augustin Chassaing, Antoine Jacotin Dictionnaire topographique... de la Haute-Loire, 1907, p. 292 https://gallica.bnf.fr/ark:/12148/bpt6k392965/f341.item ]. Una comuna ganhèt 200 abitants, l'autra los perdèt. Lo 1èir delh mes lòng de 1975 (decision en 1974), Senta Maria de las Chasas (43209) fusionèt amb Siaugues e Sent Roman que venguèt Siaugues-Sainte-Marie (fusion-associacion). Lo 1èir delh mes lòng de 1997, la fusion-associacion venguèt una fusion simpla http://cassini.ehess.fr/fr/html/fiche.php?select_resultat=31513.

Demografia

Lòcs e monuments La chapèla Santa Maria de las Chasas es pas (en tot cas avòra) dins la comuna, mas a Las Chasas. Segon un abitant, saguèt venduda dins la premèira mitat delh secle XX .

Personalitats ligadas amb la comuna Veire tanben Ligams extèrnes Nòtas