La Waffen-SS (« escadron de proteccion armat » en alemand) èra la branca militara de la Schutzstaffel (SS). Concebut en novembre dau 1939 per Heinrich Himmler coma una armada raciala e politica plaçada sota lo sieu comandament, èra a l'origina unicament compauada de nazis convencuts chausits d'un biais estricte segon de critèris basats sus li teorias raciali au IIIen Reich. Li unitats SS dau 1939-1940 èran ensinda visti coma de formacion d'elita. Totun, pauc a pauc, integrèron de tropas d'originas variadi per compensar li perdas e sostenir la sieua creissença. Perdèt alora pauc a pauc son caractèr d'elita raciala per formar un ensèms d'unitats motivats per un engatjament anticomunista ò antirus. Aquela evolucion s'acompanhèt d'una transformacion dei efectius e a partir dau 1944, la màger part dei SS èran de « volontaris estrangiers de la SS ».
Durant la guèrra, la Waffen-SS conoissèt una creissença fòrça de sei efectius. D'efècte, passèt de òmes en julhet dau 1940 a a la fin dau 1944. Aquò representava l'equivalent de 38 divisions. La valor d'aqueli unitats èra variabla. Li unitats d'origina èran de formacions d'elita dotadi d'un material de qualitat e d'un còrs d'oficiers ben formats. En revenge, li unitats pus tardivi, sovent compauadi de soudats non alemands, avian un equipament insufisent. Totun, toi li unitats de la Waffen-SS si distinguissèron per lo sieu fanatisme e per lo nombre important de crimes de guèrra comés per li sieus membres.
Ligams intèrnes
Schutzstaffel.
Bibliografia
(fr) Omer Bartov, L'Armée d'Hitler. La Wehrmacht, les nazis et la guerre, París, Hachette, 1999, 317 p.
Nòtas e referéncias