Catelin Drey (nascuda en 1987 o 1988) es una executiva e politiciana americana. Membre del Partit Democrata, es estada elegida al Senat de l'estat d'Iowa pel 1èr districte de l'estat lo 26 d'agost de 2025, çò que marca un cambiament dins un estat tradicionalament e resoludament republican.
Biografia Catelin Drey es originària de Dakota del Nòrd. Partiguèt cap a Iowa e s'installèt a Sioux City per anar a l'Universitat Morningside. Mai tard, Drey fondèt l'associacion Moms for Iowa, una entitat per la defensa dels dreches dirigida per de parents, e es estada implicada a l'encòp been dins divèrsas organizacions e organismes de caritats locals, coma per exemple la Siouxland Growth Organization.
En junh de 2025, Rocky De Witt, senador en plaça d'aquel districte d'Iowa, moriguèt en seguida d'un cancèr pancreatic, e doncas una eleccion especiala foguèt prevista pel 26 d'agost del meteis an. Drey anoncièt sa campanha centrada sus mai de facilitats per gardar los enfants, finançar melhor l'educacion publica, protegir lo drech a decidir sus son quite còs, e donar supòrt a una redistribucion economica mai justa. S'opausèt al candidat republican Christopher Prosch, e ganhèt per una diferéncia considerabla de 10 ponches. La victòria de Catelin Drey a aquesta eleccion especiala a dalhat la supermajoritat que los senadors republicans d'Iowa tenián.
Referéncias
Ligams extèrns