La saladèla (Limonium Vulgare) es una planta erbacèa vivaça, de la familha de las plumbaginàceas. La saladèla es fòrça espandida suls litorals provençal e lengadocian e subretot en Camarga ont es una planta fòrça simbolica pels gardians. Florís tradicionalament abans lo 15 d'agost e tencha las broas dels estanhs de sa color violeta. Se ditz que s'es copada aquel jorn demòra florida tota l'annada.
Lo felibre e artista arlatenc Carles Naudòt l'omenatgèt amb sa cançon La saladèla que dediquèt al felibre de Manduèlh, vilatge a l'èst de Nimes, Mèste Eisseta.