La batalha de Doornkop se debanèc lo 2 de genier de 1896. Es lo resultat d'una temptativa de còp d'Estat organizat per de Britanics establits dins la republica de Transvaal e d'una ataca menaa per una armaa britanica « privada » per sostenir los insurgents. Aqueu projecte s'inscriviá dins l'encastre de las tensions entre los Boers e los uitlanders, un ensemble de trabalhadors estrangiers, generalament britanics, installats dins las doas republicas boers. Las autoritats britanicas de la colonia dau Cap sostenguèron l'operacion, mai i participèron pas oficialament.
Lo complòt fuguèc una reviraa e lo còp d'Estat foguèc rapidament arrestat. Detectaa, la fòrça britanica d'invasion (650 òmes) fuguèc atacaa lo 1 de genier per una tropa establia sus una posicion defensiva dins la region de Krugersdorp. Puei, de renfòrç permetèron d'obtenir sa capitulacion a Doornkop, a proximitat de Pretoria. Los Britanics perdiguèron 65 tuats còntra un mòrt dins lo camp boer. Pasmens, la batalha calmèc pas las tensions e la Segonda Guerra dels Boers comencèc en 1899.
Ligams internes
Segonda Guerra dels Boers.
Bibliografia
(en) Thomas Pakenham, The Boer War, Johannesbourg, Jonathan Ball, 1997.
Nòtas e referéncias