vinheta|217x217px|Memorial a Derry, suls luòcs de l'eveniment. Dimenge sagnós (en irlandès: Domhnach na Fola; en anglés: Bloody Sunday) es lo tèrme correntament utilizat per designar los eveniments subrevenguts dins lo quartièr de Bogside, dins la vila de Derry, en Irlanda del Nòrd, lo 30 de genièr de 1972.Bloody Sunday, BBC. Aquel jorn, 15 000 personas se manifestavan contra una lei que permetiá al govèrn britanic d'empresonar, sens procès prealable, las personas suspectadas d'apartenir a l'IRA. La manifestacion, convocada per l'Associacion pels dreches civics d'Irlanda del Nòrd, se debanava de faiçon pacifica fins qu'un grop pichon comencèt de lançar de pèiras contra una barricada de militars. Los soldats repliquèron primièr amb de gases lacrimogèns, de balas en cauchó e de canons a aiga, puèi amb de balas realas, transformant las carrièras en un vertadièr caos.
Las chifras oficialas fan estat de:
13 mòrts, dont 6 menors.List of those killed
26 personas nafradas per balas, dont 5 tiradas dins l'esquina.
Mai de 30 nafrats en tot, d'unes versats per de veïculs de l'armada.
vinheta|189x189px|Una murala a Derry commemorant lo Dimenge sagnós. Mantuna font independenta, sustot de jornalistas presents sus plaça, confirmèron que cap de las victimas anava pas armada.
Lo primièr batalhon de paracasudistas, responsable de l'operacion, foguèt somés a una enquèsta pel govèrn britanic, mas las responsabilitats foguèron pas clarament establidas. En 1998, lo Primièr ministre Tony Blair comandèt un rapòrt novèl e, fin finala, lo 15 de junh de 2010, après dotze annadas d'enquèsta, lo rapòrt oficial de 5 000 paginas foguèt rendut public, acusant formalament l'armada britanica del massacre.Londres treu a la llum l'informe sobre el Bloody Sunday, 3cat.cat.
Lo grop irlandés U2 escriguèt una cançon sus aqueles eveniments, entitolada Sunday, Bloody Sunday, que venguèt una granda capitada internacionala.
Referències Categoria:Irlanda del Nòrd