Adibou 2 (o Adibou : Disc environament) es un jòc vidèo ludoeducatiu, desvolopat per Coktel Vision. Sortiguèt en 1996 sus platafòrma Windows e Mac. Es lo successor d'Adibou, sortit en 1992 sus MS-DOS.
Aqueste episòdi es sensiblament diferent de son predecessor : aparéncia novèla per Adibou, melhorament dels grafismes, portatge sus Windows, e d'activitats novèlas.
Descriptiu Pendent lo jòc, Adibou interagís de contunh amb lo jogaire. Al començament, lo jogaire deu crear un perfil novèl que se pòt personalizar (cara, pèls, data d'anniversari). Un còp lo perfil creat, lo jogaire arriba dins l'Univèrs d'Adibou. Pòt alara far mai d'una activitat dins l'òrt, coma far créisser de fruches e de legums dins lo casal amb Robitok, far butar de flors, far cambiar lo cabanòt de Plop lo can o l'abric dels aucèls, e jogar amb la bala roja. Un còp a l'interior de l'ostal d'Adibou, lo jogaire a tanben mai d'una activitat. Pòt confeccionar de pastisses amb Kicook, agachar la television que conten doas cançons e d'autres clips corts, jogar al jòc de construccion, escotar la Ràdio Adibou, jogar al jòc de las masquetas, e jogar als Bricks. Se lo jogaire festeja son anniversari o qu'es Nadal, dos CD d'escotar apareisson al pè de la television. Pòt tanben jogar als disques addicionals, e pòt tanben verificar sa progression (menú disques e arbre dels progrèsses).
Disques addicionals Entre 1996 e 1999, 5 disques addicionals son estats editats per Adibou 2. Dins aquestes disques, lo jogaire pòt realizar d'activitats compausadas de 3 nivèls de dificultat (facil, normal o dificil), concebuts per li donar la possibilitat de cambiar de nivèl, e de pas lo metre en dificultat. Dispausa tanben d'un sistèma d'avaloracion del trabalh que li permet de veire sos progrèsses.
Lectura e Calcul Disques sortits en 1996, en meteis temps que lo disc environament. Lo jogaire pòt aprendre a legir e a far de calculs. Aqueste disc es declinat en doas versions per s'adaptar a l'edat del jogaire : 4-5 ans e 6-7 ans.
Natura e Sciéncias Disc sortit en 1998. Lo jogaire es transportat dins l'univèrs de la natura e de las Sciéncias. Amb lo simulator de conducha, lo jogaire serà iniciat a la conducha, pòt navegar entre las diferentas activitats, e pòt tanben tornar a l'ostal d'Adibou. La veitura pòt èsser tanben transformada.
Anglés Disc sortit en 1999. Lo jogaire es iniciat a l'anglés, lo jòc dispausa aital d'una reconeissença vocala.
Musica Disc sortit en 1999. Lo jogaire pòt aprendre lo ritme, los sons, los instruments, las nòtas e pòt tanben compausar sa pròpria musica. Categoria:Windows Categoria:Educacion Categoria:Videojòc