Lo California Institute of Technology (« Institut de tecnologia de Califòrnia »), en abreujat Caltech o pus rarament CIT, es una universitat privada americana creada en 1891. Se situa a Pasadena, a l’èst de Los Angeles, en Califòrnia. Compta prèp de 500 professors e cercaires e 2700 estudiants dins un campus qu'aculhís tanben lo Jet Propulsion Laboratory (JPL) de la NASA ont trabalhan 5200 personas.
Contribuïguèt a formar mai de trente prèmi Nobel aital coma cinc prèmi Crafoord e nombrosas personalitats distinguidas per de prèmis americans dins los domenis de la sciéncia, de la tecnologia e de l’engenhariá.