thumb|right|Representacion de la molecula de propèn.
Lo propèn ò propilèn« Propilèn » es un tèrme obsolèt segon lei règlas actualas de nomenclatura dei compausats organics. Pasmens, es encara fòrça utilizat, comprés dins de publicacions scientificas. es un alcèn de formula semidesvolopada CH2=CH–CH3. Dins lei condicions normalas de pression e de temperatura, es un gas inodòr e incolòr. Sa liason dobla C=C li permet de reagir amb d'autrei substàncias organicas segon de reaccions de polimerizacion, d'addicion e d'oxidacion. Es ansin un important compausat de l'industria petroquimica que permet la sintèsi de compausats pus complèxes coma lo polipropilèn.
Produccion e sintèsi
Lo propèn es un sosproduch dei metòdes petroquimics modèrnes de produccion d'etilèn. Per aquò, la fraccion C3 eissida de la produccion d'etilèn es isolada per subir una idrogenacion accelerada per un catalisaire de palladi. Aquò permet d'eliminar lo propin e lo propadiene. Doas etapas de purificacion suplementàrias son egalament necessàrias per eliminar leis oligomèrs e lo metan. Aquò permet d'obtenir un produch contenent entre 92 e 95 % de propèn. Per obtenir una puretat superiora, sovent necessàrias per lei reaccions de polimerizacion, fau realizar una ò doas rectificacions.
Una autra fònt de propèn es lo cracatge de la fraccion C3-C4 dins una colona de destillacion que recupèra la fraccion C2. Puei, d'esséncia es aponduda dins la mèscla per eliminar la fraccion C5 e lei compausats pus pesucs. Una rectificacion permet alora de separar lo propèn e lo propan.
Enfin, es possibla de sintetizar de propèn a partir d'una reaccion de desidrogeneracion de propan. Un catalisaire de platin ò de cròme es necessari car permet d'agantar de rendiments superiors a 90 %. Plusors procès diferents esplechan aquela reaccion (procès Oleflex, procès Houdry-Catofin, procès Phillips STAR e procès Linde).
Utilizacion
Lo propèn es una importanta matèria premiera dins l'industria quimica que permet de fabricar fòrça produchs pus complèxes coma l'acetonitrile, l'acid acrilic, lo polipropilèn, la propan-2-ol e lo cumèn.
Annèxas
Liames intèrnes
Alcèn. Petroquimia. Propan.
Bibliografia
Nòtas e referéncias