Eleccions municipalas francesas de 2026

Las eleccions municipalas francesas de 2026 an per tòca de renovelar los conselhs municipals de las comunas francesas e dels conselhièrs comunautaris de las intercomunalitats. Aquelas eleccions se debanèron los 15 e 22 de març de 2026. centrat|sens_quadre|385x385px

Modalitats

Datas Las datas de l'escrutinh son fixadas per un decret del 27 d'agost de 2025 als dimenges 15 e 22 de març de 2026. . La data limita d'inscripcion sus las listas electoralas per poder votar a las municipalas es divendres 6 de febrièr de 2026. La data limita per presentar las candidaturas pel primièr torn es dijòus 26 de febrièr de 2026 a 18 oras. .

Sistema d'escrutinh Pel primièr còp, las eleccions municipalas de 2026 se debanaràn amb lo meteis sistèma de vòte per totas las municipalitats, independentament de lor talha : l'escrutinh proporcional plurinominal amb una prima majoritària. Pasmens, las comunas amb mens de en Polinesia Francesa demòran sosmesas a las règlas precedentas amb un vòte majoritari uninominal, en esperant lor alinhament amb las nòvas règlas legalas pendent las eleccions municipalas venentas, aquelas de 2032 Ordonança n° 2025-1095 del 19 de novembre de 2025 .

Lo nombre de sètis de provesir depend, per las municipalitats regidas per la lei ordinària, del nombre d'abitants, en conformitat al tablèu figurant a l'article L2121-2 del còdi general de las collectivitats territorialas. Per la Vila de París e las comunas de Marselha e de Lion, lo nombre de sètis es establit dins los articles L2512-3 e L2513-1 del meteis còde. +Sètis dins lo conselh municipal (regim especiau entàs comunas novèlas) : veire çai-jos ) Nombre d'abitants Sètis 7 11 15 19 23 27 29 33 35 39 43 45 49 53 55 59 61 65 69 Lion 73 Marselha 111 París 163

Fonctionament del escrutinh Dins totas las comunas, l'eleccion dels conselhièrs municipals se debana segon un sistèma de lista de dos torns amb una prima majoritària. Leis candidat-as se presentan en listas completas amb la possibilitat de do-as candidat-as suplementari-as. Pasmens, dins las municipalitats amb mens de , la lista es considerada completa se compta fins a dos candidats de mens que l'efectiu previst. Pendent lo vòte, cap d'apondons, de supressions o de modificacions a l'òrdre de presentacion de las listas son pas autorizadas. Art. L. 252 del Còdi electoral francès. Art. L. 260 del Còdi electoral francès.

L'eleccion pòt se limitar a un sol torn en cas de majoritat absoluda, o realizar un segond torn, alara:

las listas qu'an obtengut al mens 10% dels vòtes exprimits pòdon s'i manténer; los candidats d'una lista qu'obtenguèt mai de 5%, sens poder se manténer coma tals, pòdon pasmens rejónher una autra lista, çò que pòt menar a modificar l'òrdre de presentacion dels candidats.Art. L. 264 del Còdi electoral francès.

A l'eissida de l'eleccion, los sètis son destriats atal: una prima majoritària de la mitat dels sètis (arredondida se cal) es d'en primièr atribuida a la lista avent obtengut lo mai grand nombre de vòtes; puèi los autres sètis son repartits entre totas las listas avent obtenguts al mens 5% dels vòtes exprimits, amb la lista arribada en cap, a la representacion proporcionala seguent la règla de la mai fòrta mejana.Art. L. 262 del Còdi electoral francès.

Regims particulars de París, Marselha e Lion Pel primièr còp dempuèi 1982, las eleccions municipalas a París, Marselha e Lion se debanèron dins las meteissas condicions que totas las comunas, es a dire amb una circonscripcion unica al nivèl de la comuna.Lei n° 2025-795 del 11 d'agost de 2025 En efièch, fins alara, l'eleccion se debanava per sector: unes elegits de cada sector constituissent enseguida lo conselh de París o lo conselh municipal.

Dins aquestas tres comunas, dos escrutins son atal organizats al meteis temps: l'eleccion dels conselhièrs de París o conselhièr municipals d'un costat, e aquela dels conselhs d'arrondiment d'un autre. Los dos escrutins se debanan segon las règlas aplicablas a las autras comunas: l'escrutinh proporcional plurinominal, amb prima majoritària.

Per derogacion a las règlas aplicables dins las autras comunas, a París, Marselha e Lion, la prima majoritària atribuida a la lista arribada en cap correspond a un quart del nombre dels sètis del conselh de París o del conselh municipal. Pels conselhs d'arrondiment, la prima majoritària demora, coma per las autras comunas, de la mitat dels sètis.

Regim particular per las comunas novèlas Dins las comunas novèlas, pel primièr renovelament seguent sa creacion, lo nombre de conselhièrs municipals d'elegir correspond a aqueste atribuit a l'estrat demografic estrictament superior. Pasmens, aqueste nombre pòt pas èsser inferior al tèrç de l'addicion dels conselhièrs municipals elegits pendent lo precedent renovelament general dels conselhs municipals, nimai èsser superior a seissenta e nòu. L'efectiu del conselh municipal demora identic fins al tresen renovelament general dels conselhs municipals seguent la creacion de la comuna novèlaArt. L2113-8 del Còdi Generau de las Colectivitats Teritòrialas..

Per las eleccions municipalas de 2026, totas las comunas novèlas son doncas tocadas per aquelas disposicions puèi que l'estatut foguèt creat en 2010Vie-publique.fr, e que sonque dos renovelaments generals se debanèron dempuèi.

Candidat-as e listas

Nombre Lo Ministèri de l'Interior publiquèt lo 27 de febrièr la lista completa de las candidaturas registradas pel primièr torn, amb un total de 50 478 listas presentas.

Los dos-tèrces d'aqueles candidats apartenisson a una lista sens afiliacion politica. Amb 887 815 candidats al primièr torn, es gaireben 15 000 candidats de mens qu'en 2020 (902 465 candidats) e gaireben 40 000 de mens qu"en 2014 (926 068 candidats) . 

Aquela diminucion del nombre de candidaturas pòt èsser deguda a la reforma del sistèma de vòte dins las comunas amb mens de 1 000.

Proporcion de listas menadas per un òme Sus las mai de 50 000 listas, los tres-quarts (o 37 633) son menadas per un òme.

Comunas amb sonque una lista Per 23 700 comunas, i a pas qu'una sola lista presenta al primièr torn, siá 68 %. Segon lo sit Maire-informacion, qu'apartenís a l'Associacion dels Cònsols màgers de França, represa per Public Senat, las comunas de mens de 1 000 abitants representan 79,1 % de las comunas qu'an pas qu'una sola lista. Pasmens, de vilas mai pobladas an pas egalament qu'una sola lista, talas coma Beaupréau-en-Mauges (Maine e Léger, 23 887 abitants), Torcy (Sèina e Marna, 22 939 abitants), o encara Mandaluec e la Napola (Alps Maritimes, 21 201 abitants).

La proporcion de comunas amb sonque una lista de candidats presentadas per las eleccions municipalas de 2026 despassa 80 % dins unes departaments, coma Mayenne, Gers o Orne, e son nivèl globalament naut pausa un risc pel pluralisme democratic, segon lo politològ Martial Foucault, ancian director de CEVIPOF .

Comunas sens pas cap de lista Dins gaireben totas las comunas (99,81%), al mens una lista es presenta, e i a pas que 68 comunas sens candidats. Aqueste nombre de comunas sens candidats es mai pichon, al primièr torn, en comparaison amb 2020. Quand pas cap de lista es formada, lo prefècte nomena una delegacion especiala, compausada de 3 membres per las comunas de mens de 35 000 abitants e fins a 7 per las comunlas mai pobladas. Aquesta delegacion, de poders fòrça limitats, assegura la continuitat de la vida administrativa de la comuna e organiza d'eleccions municipalas parcialas dins un periòde de 3 meses. Se lo conselh municipal es pas renovelat a l'eissida d'aquestas eleccions parcialas, la delegacion demora en plaça e organiza de novèlas eleccions municipalas parcialas..

Deputats candidats 106 deputats se lançan dins la campanha coma caps de lista..

Contèxt

Municipalas de 2020 Las darrièras eleccions municipalas de 2020 foguèron marcadas per la pandemia de Covid-19 e per un taus d'abstencion mai naut.

Los partits de centresquèrra, particularament Leis Ecologistas, emportèron de metropòlis coma Annecia, Bordèu, Marselha o encara Sant Pau. La drecha capita pasmens a prene unas vilas de las mans del centresquèrra, coma Metz. Lo Rassemblament nacional capita a s'enforçar localament e ganha, entre autres, la vila de Perpinhan, tot en gardant las comunas ja jos lo seu contraròtle.

Presidenciala e legislativa de 2022 L'eleccion presidenciala e las legislativas de 2022 vegèron lo poder d'Emmanuel Macron, de nòu elegit, e de sa majoritat presidenciala èsser aflaquit per la pujada de l'extrèma drecha e de l'esquèrra. D'un autre costat, Los Republicans se trapèran encara mai mermat e lor grop a l'Assemblada nacionala venguèt lo mai pichon que la drecha aviá conegut dempuèi lo començament de la Cinquena Republica.

Eleccions europèas de 2024 Las eleccions europèas del 9 de junh de 2024 vegèron lo rassemblament nacional s'enlairar, del temps que la lista de la majoritat presidenciala perdèt gaireben la mitat de sos sètis. L'esquèrra dintrèt dins las eleccions esclatada e fragmentada, alara que s'èra reünida en 2022 per formar la coalicion NUPES. La lista del Partit socialista (amb Plaça publica) e aquesta de La França Insosmesa capitèt a ganhar de sètis novèls, del temps que lo Partit Comunista capitèt pas encara d'assegurar cap de sètis, e Los Ecologistas demorèron amb cinc sètis en plaça de tretze.

Legislativas anticipadas de 2024 Apondent a aquel caos politic foguèt la dissolucion de l'Assemblada Nacionala per Emmanuel Macron, de vespre dels resultats de las eleccions europèas. De novèlas eleccions legislativas se debanèron doncas los 30 de junh e 7 de julhet de 2024.

Aquestas eleccions capvirèron lo païsatge politic francés ja trebolat. L’esquèrra s’uniguèt un còp de mai, aqueste còp se limitant pas als quatre partits ja representats a l’Assemblada Nacionala, e creèt lo Nòu Front Popular en sonque una oras. Los Republicans, mentretant, coneguèron una crisi sens precedents, en vesent son president, Éric Ciotti, s'aligar amb lo Rassemblament nacional. Lo centre reagiguèt mal a aquela decision del cap d’Estat, mas mantenguèt la coalicion "Amassa per la Republica" (principalament amb Renaissença).

Pendent l'entre-dos-torns, a la lutz de la montada de l'extrèma drecha, l'esquèrra cridèt al Front Republican, que la majoritat dels candidats qualificats pel segond torn aderissèron. Los resultats vegèron lo NFP ganhar una majoritat relativa, fòrça prima amb 193 deputats, alara que lo Rassemblament nacional venguèt lo primièr grop a l'Assemblada nacionala, amb 37 deputats novèls. Éric Ciotti capitèt a formar un grop mercé als 18 candidats que lo sostenguèron. Lo centre s'aclapèt, en perdent un tèrç de sos sètis.

Los elegits locals cranhèron un efièch d'ondulacion de la crisi politica nacionala. Los triangulars e quadrangulars èran nombroses, en dobrissent la dralha a de realinhaments politics.

Enjòcs Pels Republicans e lo Partit Socialista, l'objectiu d'aquelas eleccions es de manténer una preséncia locala. Mentretant, Renaissença e La França Insosmesa cèrcan d'establir un ancoratge local en s'implantant dins qualques vilas màgers claus. Lo Rassemblament Nacional cèrca tanben a establir una preséncia locala, mas mòstra un objectiu plan mai ambiciós: mai de 700 tèstas de listas deurián èsser investidas (en comparason amb 410 en 2020), en mai de mirar unas vilas estrategicas. Fin finala, los Ecologistas an per tòca de conservar las vilas ganhadas en 2020, del temps qu'Orizons cerca subretot a conservar sas vilas, notadament Niça, ont son a afrontar lo president de l'UDRl'Union de la Drecha per la Republica (UDR), Éric Ciotti, e lo Havre, qu'Édouard Philippe a l'intencion de s'aprofichar per lançar sa campanha presidenciala.

Resultats

Taus de participacion