200px|thumb|right|Lo DJ Fou sus l'empont, aquí en Occitània lo 30 de julhet de 2026. Sebastien Santovito, dich DJ Fou dempuèi 1990, nascut lo 2 de setembre de 1972 en Borgonha (França), es un musician e un discjoquèi francés basat dempuèi son adolescéncia en Occitània (Carcassona, Tolosa, Albi, NegrapelissaNègrepelisse. DJ Fou réveille ses abonnés grâce à sa bonne humeur https://www.ladepeche.fr/2020/05/03/dj-fou-reveille-ses-abonnes-grace-a-sa-bonne-humeur,8871844.php...).
Sébastien obteng son primièr emplèc de discjoquèi a 16 ans al Manhattan, una discotèca basada a Val de Danha, còsta Carcassona dins Aude. En 1990, deveng discjoquèi al Marina, una gròssa discotèca situada al Barcarès, en País catalan : es a n'aqueste moment qu'es escaissat Le DJ Fou (Lo discjoquèi fat). Pendent vacanças passadas a la Selva en Catalonha, descobrís la màkina dins la discotèca L'Octopussy a Lloret de Mar. De retorn en Occitània, decidís de promòure aquesta mena de tècno dins las seradas qu'anima e, de segur, de'n primièr dins la discotèca tolosana ont trabalha d'ara enlà coma discjoquèi. D'aquesta passa, DJ Fou foguèt, ambe una punhada d'autres (coma per exemple Jean-Phi, discjoquèi al Jame's a La Magdalena de Tarn, o encara Franz, discjoquèi al Nouba Roll's a L'Escot, dins lo Tarn), l'un dels pionnièrs de la màkina en França pr'amor d'aver importat en 1997 aquesta musica electronica de Catalonha dins la part oèst d'Occitània (mai que mai en Lengadòc e en Gasconha tolosana).
Pauc de temps après, e mentre que la màkina s'espandís en França, en Anglatèrra, e s'expòrta quitament fins al Japon, DJ Fou anima coma discjoquèi seradas dins una discotèca situada ela en País catalan (a Argelers) : es a n'aquesta periòda (en 1998) que s'inspira de la cançon Lo Oai del grop occitan Massilia Sound System per enregistrar ambe l'ajuda de son productor Jean-Marc Bavard lo tròç Je mets le waï. Aqueste títol, a l'encòp màkina e festiu, qu'una quita version es estada adobada pel grop tècno alemand 666, foguèt un tube en 1999Il est le DJ Fou ! http://transmediadoc.free.fr/DJFou.html.
Al debut de las ananadas 2010, Sebastien es estat tanben un temps sòci del grop de musica festiva Collectif Métissé.
Tròces mai coneguts Je mets le waï (1999, inspirat del Oai de Massilia Sound System, basat sus un escapolon de la version de Misirlou per Dick Dale) Yaka Dansé (2004, ambe Soma Riba, represa de Raft)
Referéncias
Categoria:Discjòquei Categoria:Naissença en 1972 Categoria:musica electronica Categoria:Musica electronica dels ans 1990 Categoria:Musica electronica dels ans 2000 categoria:house