Harlem es un quartièr del nòrd de l'arrondiment de Manhattan a Nòva York, als Estats Units. Se situa entre lo nòrd de la 96ena carrièra e Washington Heights. Pr'aquò, l'espaci es oficiosament delimitat per la 110ena carrièra al sud e per la 155ena carrièra al nòrd. Harlem joguèt un ròtle màger tot al long de l'istòria de Nòva York : al començament del sègle XX, lo movement de la Renaissença de Harlem faguèt de Nòva York lo principal centre de la cultura afroamericana ; lo quartièr es vengut puèi un dels centres de la lucha per l'egalitat dels dreches civics, Harlem essent un luòc ont se concentran los afroamericans.
Après mantun decennis de crisi e de deslabrament, Harlem se transforma uèi en un quartier dinamic e atractiu, emai que foguèsse considerat coma un guèto ont la criminalitat èra fòrta encara qualques ans i a. categoria:Quartièr de Manhattan