Guarda es una vila portuguesa de 1 056 m d'altitud maximala, siá la ciutat pus nauta del país. Ambe 25 833 abitants (2021) dins son perimètre urban, https://geoc2021.ine.pt/|título=Censos 2021, fa partida del districte de Guarda, que n'es la capitala, en essent situada dins la region estatistica de Centre e la sub-region de las Beiras e Serra da Estrela. Es residéncia del municipi de Guarda qu'a 712,1 km² de superficia e 40 126 abitants (recensament de 2021), subdevesit dempuèi la reorganizacion administrativa de 2012/2013 en 43 freguesias.
Geografia Situat al nòrd-èst de Portugal, l'airal es caracterizat per la dominacion del granit (barena) e per son aire pur, salubre e fred, pr'amor de l'altitud. Guarda es un caireforc entre l'autostrada A 25-IP 5, que liga la vila a Aveiro e a Porto, tot coma a la frontièra, puèi dirèctament a Madrid, l'autostrada A 23-IP 2, que la religa a Lisbona e al sud del Portugal, puèi la viá rapida IP 2, que mena a Trás-os-Montes e Alto Douro, mai que mai a Bragança.
Istòria En 1199, se creèt la vila per servir de centre administratiu, de comèrci e de defensa de la frontièra de Beira contra los reiaumes de la Meseta (planòl) del centre de la Peninsula Iberica: primièrament, lo Reiaume de Leon, dempuèi lo de Castelha e finalament, l'Espanha. En 1202, se creèt la diocèsi de Guarda, transferida de Idanha, l'anciana e importanta ciutat romana de Egitania, adara Idanha-a-Velha. La diocèsi garda lo nom latin de Dioecesis Ægitaniensis.
thumb|280px|left|La Pòrta del Solelh (Porta do Sol).
Nòtas