L’arrondiment de Briva es una division administrativa francesa dau departament de Corresa, dins la region de Novela Aquitània, ancianament de Lemosin.
Istòria La lei dau 28 pluviòse an VIII (17 de feurier 1800) creet los arrondiments. En 1982, los cantons de Briva-Nòrd e Brive-Sud son remplaçats per sieis (cinc emb lo nom de Briva, lo seisen de Malamòrt).
Composicion d'aici a 2015 Canton d'Aient Canton de Belluec Canton de Béinat Canton de Briva-Centre Canton de Briva-Nòrd-Èst Canton de Briva-Nòrd-Oèst Canton de Briva-Sud-Èst Canton de Briva-Sud-Oèst Canton de Donzenac Canton de Julhac Canton de L'Archa Canton de Liberçac Canton de Malamòrt Canton de Maiçac Canton de Visoas
Composicion dempuei 2015 Lo nombre de comunas era de 94 en 2026 https://www.correze.gouv.fr/Publications/La-Correze/La-Correze-administrative. Lo nombre de comunas pòt chamnhar chada annada per'mor que de las comunas fusionan o per s'adaptar a las intercomunalitats (espeçament en 2017). Lo nombre de comunas de l'arrondiment era coma aquò de 99 en 2015, 98 en 2016, 97 en 2017, 96 en 2019 e 94 en 2025. Contràriament a l'ancian descopatge en cantons, un canton pòt èsser a cavalhon sus mai d'un arrondiment. Los cantons que son totalament o en partida dins l'arrondiment son : canton de Briva-1 (partida de Briva); canton de Briva-2 (partida de Briva); canton de Briva-4 (partida de Briva); canton de Briva-3 (partida de Briva + 2 comunas, La Chapela daus Bròsts e Cosnac); canton de Malamòrt, 5 puei 4 comunas (fusion de Malamòrt e de Venarsal en 2016); canton d'Alaçac (canton novel), 9 comunas sus 12 dins l'arrondiment (Ornhac de Vesera, Perpesac lo Negre e Visoas muderen vers l'arrondiment de Tula probablament en 2017); Donzenac e Visoas, eran d'ancians chapluecs de canton; canton de l'Eissandonés, bureu centralizator Ajac, 21 comunas, dont Aient e Julhac, ancians chapluecs de canton; canton de Sent Pantaleon de L'Archa, fòrma supausada, 13 comunas dont L'Archa, ancian chapluec; canton del Miegjorn Corresenc, burèu centralizator Béinat, 34 comunas en 2015 puei 33 en 2019, dont Belluec (fusionada emb Brivasac en 2019), Maiçac, ancians chapluecs de canton; totas las comunas son e eran de l'arrondiment de Briva, maugrat çò qu'escriu Wp.fr; canton d'Usercha, 21 comunas, dont 9 dins l'arrondiment de Tula, las de l'ancian canton d'Usercha (a l'origina), 12 de l'arrondiment de Briva; dempuei 2025, las 21 comunas son redusidas a 19, dont 10 de l'arrondiment de Briva : la creacion de la comuna novela dels Tres Sents, fai que Sent Martin Set Pers e Sent Pardos Corbier mudan vers l'arrondiment de Tula, ente era dejà Sanch Ibarch; canton d'Argentat, 30 comunas, dont una dins l'arrondiment de Briva (dempuei 2017 en causa de l'intercomunalitat), Altilhac.
Referéncias
Categoria:Arrondiment de Corresa Categoria:Corresa