Sent Joan lo Vielh (Donazaharre en basco, Saint-Jean-le-Vieux en francés) qu'ei ua comuna deu Bascoat, en Baisha Navarra, situada dens lo País de Cisa. Administrativament, que's tròba dens lo departament deus Pirenèus Atlantics e la region d'Aquitània.
Geografia Qu'ei traucada per l'arriu de Lauribar e peu son afluent l'arrivet d'Arzubi.
Los quartièrs que son Urrutia e Zabaltza.
Las comunas tòcatocantas que son Jatsu Garazi au nòrd, Buztintze-Hiriberri au nòrd-èst, Bussunarits-Sarrasqueta a l'èst, Izpura a l'èst, Ahatsa-Altzieta-Bazkazane au sud-èst, Sent Joan Pè de Pòrt e Zaro au sud-oèst e Aintzila au sud.
Istòria Durant l'Empèri Roman que s'aperava Imus Pyrenaeus. En 1177 Ricard Còr de Leon que destrusí lo castèth.
Dens l'ostau Priorena ("deu prior") que s'amassavan los deputats de Sent Joan Pè de Pòrt e deu parçan de Cisa.
Administracion
Demografia
Cultura Qu'ei ua arrestada deu Camin de Sant Jaume enter Larzabale-Arroze-Zibitze e Sent Joan Pè de Pòrt.
Hèstas Las hèstas patronaus que s'i celèbran lo purmèr dimenge d'aost.
Luòcs e monuments left|thumb|250px|Fronton Personalitats ligadas amb la comuna
De véder Dens lo quartièr Urrutia que's tròba la glèisa romanica de Sant Joan e las rèstas deu castèth de Harrieta, los dus deu sègle XIII.
Sant Pèire Usakoa Glèisa deu sègle XII: que dependèva deu Monastèri de Roncesvaus ; qu'estó desbastida e que se'n guarda sonque l'entrada romanica ; reabilitada en 1630. Apat-Ospitale Com lo son nom ac ditz, qu'estó un monastèri-espitau, obèrt en 1286 peus Cavalièrs Espitalèrs de Jerusalèm, entà suenhar los romius deu Camin de Sant Jaume. Que se'n guarda sonque la capèra romanica de Sant Blasi, au ras d'un molin vielh.
Véser tanben
Ligams extèrnes
Nòtas
Categoria:Comuna de la Baisha Navarra Categoria:Comuna deus Pirenèus Atlantics Categoria:Pirenèus Categoria:Comuna de Baisha Navarra