Sus la montanha es un poèma de Joan Bodon, publicat dins Res non val l'electrochòc en 1970, e reeditat dins Sus la mar de las galèras en 1975.Joan Bodon, Sus la mar de las galèras, IEO, Messatges, 1975, numerizat sul sit Ciel d'Oc. Tèxte Lo camin sus la montanha Lo seguèri tot un brieu, Caminavi sens companha Èra la fin de l'estiu.
Me cridèt de delà la sanha Coma gasavi lo riu, Una filha de campanha Que me trobèt agradiu.
Me prenguèt dins una jaça A l'abric de la calor, Causiguèt la bona plaça Sul fen per parlar d'amor.
Ni jamai èra pas lassa Me mordiguèt a dolor. Vesiám per la pòrta bassa Lo cèl cambiar de color.
Lo camin sus la montanha Que se pèrd delà lo riu, Una filha de campanha Que l'amor es agradiu ! Mesa en musica Lo tèxte foguèt mes en musica, jol títol Lo camin sus la montanha e es cantat per: Mans de Breish Bernat Lo duo Brotto-Lopez
Categoria:Joan Bodon Categoria:Cançon de Mans de Breish Categoria:Cançon de Bernat Categoria:Cançon del duo Brotto-Lopez