La Bohèira (pron. [ləbu'hɛjrə]) (Labouheyre en francés) qu'ei ua comuna gascona situada dens lo departament de las Lanas e la region de Navèra Aquitània, ancianament d'Aquitània.
Geografia Perimètre deu territòri
Toponimia La prononciacion qu'ei [ləbu'hɛjrə]. Bénédicte Boyrie-Fénié que hornèish fòrmas ancianas, mès n'i a talament que las arregroparam dens la seguenta lista : le Boere en 1254 (dus còps), Laboherie, en 1254, Laboheria (de ~), en 1254, en latin, (H)erba/e Faveria (atestacions nombrosas entre 1254 e 1316), Esbeyfauerys (annexa de ~), en 1527, La Boyre, la Bohaire, au sègle XVII, La Boere (2 mapas deus sègles XVII e XVIII), La Bouhere (mapa de 1630), La Boheire (mapa de 1647), La Bohere (mapa de 1651), la Bohaire (mapa de 1714), la Bouhaire (mapa de 1733) Bénédicte Boyrie-Fénié, Dictionnaire toponymique des communes, Landes et Bas-Adour, ed. Institut occitan e CAIRN, Pau, 2005, p. 120-121.
Dauzat explica lo nom com lo resultat d'un latin inatestat *bovaria, de bos, bovis, donc un lòc on neurivan los buèus Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 101, a Bouer. La solucion d'Negre, citat per Bénédicte Boyrie-Fénié, era boueyre, « la hanga, la hanguèra » fonciona pas : lo lòc es pas briga hangós e l'article era qu'es pirenenc, pas lanusquet. B. Boyrie-Fénié que causeish la haboèra (meileu la havoèra), « lòc on las havas que's plasen e son cultivadas», damb l'aferèsi de la prumèra sillaba : la *haboèra/*havoèra > la boèra/voèra. Lo son -h- de La Bohèira es pas etimologic e que s'explicaré per lo sovier benlèu inconscient de l'h de hava o meilèu per l'atraccion deu vèrbe bohar. Totun, n'ei pas normatiu. Que cau tanben parlar de l'esitacion enter lo producte deu sufixe -aria en -èra (majoritat sud de la Gasconha) e en -eira (Gasconha deu nòrd-oèst), en sabent que los escribas medievaus èren embarrassats per escríver los diftongues (e donc Boere de 1254 que representava benlèu Boèira).
Istòria En 1863, la comuna de Solferino que's creè, deu territòri de La Bohèira, Començac, Escorce, Morcens, Lua, Onessa e Laharí e Sabres http://cassini.ehess.fr/cassini/fr/html/fiche.php?select_resultat=5085.
Administracion
Abans la refòrma cantonala de 2014, aplicada en 2015, la comuna qu'èra deu canton de Sabres; qu'ei adara deu canton de Haute Lande Armagnac (en francés), donc de Hauta Lana Armanhac.
Demografia
Lòcs e monuments
Personalitats ligadas dab la comuna
Véder tanben Comunas de las Lanas Ligams extèrnes
Nòtas
Categoria:Comuna de las Lanas Categoria:Lanas Categoria:Comuna de Gasconha