Pierre Cohen es un òme politic francés, nascut lo 20 de març 1950 a Bizèrta (Tunisia), deputat socialista e cònsol màger de Tolosa de 2008 a 2014.
Biografia Filh d'una catolica francesa e d'un militar josieu tunisianSébastien Marti, « Pierre Cohen, le candidat PS côté cœur », La Dépêche du Midi, , que seguiguèt en Alemanha en 1958 puèi a Masamet en 1964, Pierre Cohen obtenguèt, aprèp son bac en 1968, un doctorat en informatica a l'universitat Paul Sabatier, e venguèt engenhaire de recèrca en informatica a l'IRIT, fins a sa demission en 1997Yves Bordenave, « Pierre Cohen : le sérieux fait maire, Le Monde, .
Membre del Partit Socialista en 1974, milita al sen del CERES. Elegit municipal a Ramonvila e Sant Anha en 1983, d'en primièr, es encargat de la pichona enfància abans de ne venir cònsol màger en 1989. Conselhièr regional entre 1986 e 1992, se met en vacança del Partit Socialista un temps aprèp l'entrada de França dins la Guèrra en Iraq. Vòta apuèi « non » al referendum sul Tractat de Maastricht, mas rejonh pas Jean-Pierre Chevènement al Movement dels Ciutadans, e se rapròcha de Lionel Jospin en 1995.
Implicat dins las politicas de prevencions al GIP e al CISPD, tanben es a l'origina del Festenal de carrièra de Ramonvila. Es elegit deputat en 1997 dins la 3 circonscripcion de Nauta Garona. Implicat fòrtament dins las Assisas de la Recèrca, tanben es membre de las instàncias nacionalas del Partit Socialista ont trabalha sul servici public.
Reelegit deputat per un tresen mandat legislatiu lo , fàcia a la candidata UMP Marie-Claire Danen, es vicepresident de l'Ofici Parlamentari d'Avaloracion de las Causidas Scientificas e Tecnologicas e membre de la Comission dels Afars Economics, de l'Environament e del TerritòriFicha sul sit de l'Assemblada nacionala.
Lo , al cap d'una lista unitària de l'esquèrra (PS, PCF, MRC, PRG, Verds), davança al segond torn de las municipalas lo cònsol sortent Jean-Luc Moudenc (50,42 % contra 49,58 % Resultats de las eleccions municipalas de 2008 a Tolosa sul sit oficial del Ministèri de l'Interior).
Mandats Mandats e responsabilitats actualas Elegit cònsol de Tolosa lo La lista de Pierre Cohen es estada elegida lo , mas Pierre Cohen es estat oficialament elegit cònsol pel conselh municipal del . Reelegit lo : deputat de la Tresena circonscripcion de Nauta Garona. President de la Comunautat d'aglomeracion del Grand Tolosa Vicepresident del GIP contracte de vila e membre del Sindicat mixte d’estudis de l’Aglomeracion Tolosenca. President de la Comission Territoriala del Canal d'Entre doas mars. Membre del Conselh de las collectivitats territorialas pel Desvolopament cultural al sen de l’associacion «Vilas e Banlègas».
Mandats escasuts
06/03/1983 - 12/03/1989 : membre del conselh municipal de Ramonvila e Sant Anha 17/03/1986 - 22/03/1992 : membre del Conselh regional de Miègjorn-Pirenèus 20/03/1989 - 18/06/1995 : cònsol de Ramonvila e Sant Anha 25/06/1995 - 18/03/2001 : cònsol de Ramonvila e Sant Anha 01/06/1997 - 18/06/2002 : deputat 18/03/2001 - 16/03/2008 : cònsol de Ramonvila e Sant Anha 19/06/2002 - 19/06/2007 : deputat Membre de la Comunautat d'aglomeracion de Tolosa Sud-Èst (Sicoval).
Font Notice biographique, Who's Who in France
Nòtas e referéncias
Vejatz tanben Articles connèxes Lista dels deputats de Nauta Garona Lista dels cònsols de Tolosa
Ligams extèrnes
Ficha sul sit de l'Assemblada Nacionala
Categoria:Personalitat del Partit Socialista (França) Categoria:Deputat de Nauta Garona Categoria:President de comunautat d'aglomeracion Categoria:Cònsol de la Nauta Garona Categoria:Cònsol PS Categoria:Naissença en 1950