thumb|right thumb|right
Ël ninsolé: Corylus avellana
Descrission A l'é n'erborin ch'a riva fin-a ai 5 o 6 méter d'autëssa.
A produv dij fust sutij che, rivanda apopré a 5 centim ëd diàmeter, a sëcco e a son rampiassà da d'àutri novej. Soa vegetassion a ancamin-a motobin prest a la prima (fërvé o avril, a sconda dl'autëssa), con na fioridura vistosa dle gate giàune, ch'a son ëd fior masculin-e. Le fior fumele a son pì cite e pòch visìbij e a smijo a 'd gëmme ariondà. Le feuje a son dentinà a la bordura.
Le ninsòle, visadì ij frut dël ninsolé, a maduro an ost o stèmber. Coste a son anfassà al càuss da n'anvlup verd ësfrangià.
Distribussion Ël ninsolé a l'é na pianta motobin ëspantià dël sot-bòsch e dla boscaja. A chërs dai 200 ai 1200 o fin-a ai 1600 méter d'autëssa. A arzist a na fòrta sombrura, ma a viv ëdcò al dëscuvert.
Neuve A l'é coltivà për le ninsòle (dovrà ant la pastissarìa, për fé la giandòja, e l'òli). A l'é dovrà ëdcò për bòsch (manech d'utensij, travaj da vim). A l'é n'antich simbòl ëd fecondità. A l'é ciamà avellana da la sità antica 'd Abella (Campania).
Arferiment bibliogràfich për chi a veul fé dj'arserche pì ancreuse
Corylus avellana L.
Categorìa:Botànica Categorìa:Corylus