La Federassion Russa (Росси́йская Федера́ция / Rossíjskaja Federácija o mach Россия / Rossíja an russ) a l'é un pais dl'Euròpa e dl’Asia.
A confin-a con Norvegia, Finlandia, Estònia, Letònia, Bielorussia, Lituania, Polònia, Ucrain-a, Geòrgia, Aserbaigian, Kazakistan, Cin-a, Mongòlia e Corea dël Nòrd. La capital a l'é Mosca. A l'é 'l pì grand stat dël mond, con na surfassa ëd 17.075.200 km², e a conta 142.470.272 abitant. La speransa ëd vita a l'é dë 70 agn. Anté ch'as treuva 300px|centro
Conomìa La Russia a goerna ël 6,4% dj'arserve mondiaj ëd petreuli e ël 25% dj'arsorse an gas. Ël 34,4% ëd j'esportassion dla Russia a l'é arpresentà dal petreuli (258,4 tonelà dël 2007).
La strutura conòmica anterna dla Russia a l'é ël setor dij servissi (comersi, traspòrt, ristorant, obergi, comunicassion, atività finansiarie, imòbij, aministrassion statal, sigurëssa, istrussion, sanità e via fòrt) con pì che 'l 56,7 % d'anvestiment dël 2007 (PAL - 48,6 %); j'atività ëd trasformassion (mangé, téssil e veste, andustria dla pel, caussadure, produssion ëd bòsch, papé e celulòsa, editorìa, poligrafìa, carbon coke e derivà dël petreuli, chìmica, resne e plàstica, àutri prodot nen-metàlich, metalurgìa, machinari e atressadure, componentìstica elétrica, eletrònica e òtica, mojen ëd traspòrt e àutri): 19,1 % d'anvestiment (16,4 % PAL); estrassion (petreuli, gas e mineraj): 10,4 % d'anvestiment (9,0 % PAL); costrussion: 5,9 % d'anvestiment (5,1 % PAL); agricoltura, pësca e produssion forestal: 4,5% d'anvestiment (4,5 % PAL); produssion e distribussion d'energìa elétrica, gas e eva: 3,1 % d'anvestiment (2,7 % PAL). Ël càrich fiscal a monta al 14,2% dël PAL.
Organisassion polìtica La Federassion Russa (nòm ofissial: Российская Федерация) a l'é na repùblica federal. Ël president a l'é Vladimir Vladimirovič Putin (Владимир Путин) (Russia unìa, dai 7 ëd maj 2012). Ël prim ministr a l'é Mikhail Vladimirovič Mišustin (Михаил Мишустин) (dal 2020).
Anliure esterne