thumb|right|200px|Francesco De Lemene Francesco De Lemene a l'era nassù a Lòd ai 19 ëd fërvé dël 1634 e a l'é mòrt-ie ai 24 ëd luj dël 1704. Prima a l'avìa studià Teologìa a Noara, peui a l'ha studià lej a Pavìa. A l'era stàit ambassador da l'Imperadris Margherita d'Austria, ma a l'ha sempe arfudà d'esse senador a Milan. An vers ai sinquant'agn a l'avìa avù na maladìa e, an perìcol ëd mòrt, a l'avìa fàit brusé tute soe euvre giovanij. A l'é stàit sempe an corispondensa con ël Maggi.
Euvre Le euvre pì amportante dël De Lemene a son: Della discendenza e nobiltà de' maccaroni (1654) Dio (argoment religios) Del Rosario di Maria Vergine (argoment religios) La Sposa Francesca, comedia, soa ciadeuvra
La Sposa Francesca De Lemene a l'avìa lassà inédita la comedia "La Sposa Francesca". La comedia a l'era peui vnùa famosa a Lòd e a l'era arpresentà tùit j'agn fin a metà dl'Eutsent. Le rapresentassion a son peui stàite arpijà ant ël 1958.
Arferiment bibliogràfich për chi a veul fé dj'arserche pì ancreuse Region Lombardìa - Antologia della poesia nelle lingue e nei dialetti lombardi
Delemene, Francesco Delemene, Francesco Delemene, Francesco