thumb|left|Panorama
Busca (Buscha an ossitan) a l'é un comun ëd 10.049 abitant dla provincia ëd Coni.
Stòria Vzin a la frassion ëd San Martin a son stàite trovà dle reste dl'età dël bronz (tra 1.000 e 2.000 agn fa). A l'é famosa n'iscrission an caràter etrusch, trovà dantorn a Busca. An época roman-a, ël teritòri ëd Busca a fasìa part dla Colònia Julia Augusta, ch'a restava da le part ëd Sental. La pì part dle testimonianse d'época roman-a a son datà tra ij sécoj ch'a fan I e III. Tra ij sécoj che a fan V e VII a l'é rivaje ant la zona ëd Busca ël Cristianésim. La Piev ëd San Martin a l'é ëd prima dël 1.000. Dj'àutre trasse a arpòrto aj Longobard, aj Franch e aj Sarasin, che a rivavo fin-a a Busca da 'nt soe postassion vzin a Saint Tropez. Ij sécoj ch'a fan XII e XIII a son coj dël Marchesà ëd Busca con Jermo, ël prim Marchèis, e peui ël fij Berengari, el fieul ëd cost-sì Jermo II e l'ùltim Marchèis, Enrich. Ij Marchèis a l'avìo fàit fé un castel (ël Castlass) e la gesia ëd San Steu. D'apress a sòn Busca a passa al Marchesà ëd Salusse e peui aj Savòja (1361). Da anlora ël destin ëd Busca a l'é stàit gropà a col dij Savòja.
Aministrassion Ël sìndich a l'é Marco Gallo dal 26/05/2014.
Sità gemelà Busca a l'é gemelà con: border|20px San Marcos Sud, Argentin-a border|20px Cruz Alta, Argentin-a
Anliure esterne Sit istitussional
Categorìa:Comun dla provincia ëd Coni