thumb|280px|right|Longh ël senté ch'a men-a da Vilaneuva a la Conca dël Pra, sota a la cascà dël piss, a-i é na gròssa ròca con un tòch ëd na poesia scrita 'nsima. As trata dla poesia Acque 'd Piemont ëd Nino Costa Pélis o Pèles (an italian Pellice, an provensal alpin Pélis) a l'é 'n fium ëd la provincia ëd Turin, prim afluent dë snistra ëd Pò.
Percors A nass da d'adoss a òvest dël Grané. A s'ancamin-a an diression sud-nòrd fin-a a Vilaneuva, andoa a vira sech a est, an diression ëd la pianura. Caland a cheuj j'eve 'd tanti bialòt (Biava, Crosena, Subiasch, Ghiciard, Liussa, Luserna, Angreugna, Ciameugna...). Caland për la valada ch'a pòrta 'l nòm dël fium a bagna Beubi, Ël Vilar, La Tor e Luserna, andoa a arsèiv da snistra j'eve ëd l'Angreugna e da drita cole ëd la Luserna.
Arivà 'nt la pian-a a passa antrames Bibian-a e Bricheras. An Suchéa (frassion dividùa antra Vigon, Cavor, Garzian-a e Massel) a cheuj j'eve dël Chison, ardobiand soa portà media. Soa corsa a finiss a Vilafranca, campandse 'n Pò.
Statìstiche Con ij sò 53 km 'd longhëssaCaratterizzazione bacini Idrografici (elab.I.a/5) - Allegato tecnico al Piano di Tutela delle Acque, Region Piemont, rev. dël 1m ëd luj 2004 (an sla rej ën .pdf: ) a dëscaria an Pò 22,3 m3/sec ëd portà d'eva.
Portá media mensil
Nòte
Vardé 'dcò Lista dij fium dël Piemont
Për chi ch'a veul fé arserche pì ancreuse Livio Avanzini,Associazione Pro Torre Pellice,Guida storico-turistica della Val Pellice, Pinereul, 1977 Turin, Istituto geografico centrale, Cartina n. 6 - Monviso
Pelis Categorìa:Fium, dòire e rivo dël Piemont Categorìa:Provinsa ëd Turin