Chlorociboria aeruginascens Chlorociboria aeruginascens a l'é un fonz ascomicet dla famija Helotiaceae.
Descrission Ël còrp frutìfer a l'é n'apotessi cit, a forma 'd copa o tassa, dël diàmeter ëd 2-8 mm. A l'é peduncolà, con la surfassa imenial verd bleu o verd smerald, lustra. La fassa esterna a l'é dël midem color ma pì sombra. Ël gamb a l'é fin, longh fin a 10 mm. Le spore a son fusiforme, e a mzuro 8-12 × 2-3 μm. La consistensa a l'é cerosa.
Ambient A chërs ant ij bòsch motobin ùmid ëd latifeuje, dzortut an sle rame marse e la scòrsa ëd rol e fò. A l'é famos përchè ël miceli a colora ël bòsch ëd verd bleu, un carater ch'a l'é stàit dovrà ant l'ebanisterìa për fé dij travaj decorativ. A frutìfica da l'otonn a la prima.
Comestibilità
Sensa anteresse alimentar për soe dimension cite.
Arferiment bibliogràfich për chi a veul fé dj'arserche pì ancreuse
Chlorociboria aeruginascens (Nyl.) Kanouse ex C.S. Ramamurthi, Korf & L.R. Batra [= Chlorosplenium aeruginascens (Nyl.) P. Karst.]
Categorìa:Chlorociboria