thumb|right|Le fior
Erbo àut fin a 20-25 méter. Scòrsa gris brun-a, chërpà an manera ancreusa con l'età ant ël sens dla longheur. Feuje compòsite, longhe fin a 20-35 cm, formà da 'd fujëtte su në stech verd sentral; a seurto fòra bastansa tard a la prima, ansema a le fior. Coste a son bianche e argropà an rape. As na sent ël përfum ëdcò da assè leugn. Ij frut a smijo 'd faseuj scur; a conten-o dle smens assè dure e a forma ëd dischet. Motobin dë spin-e dzortut ant ij branch pi giovo. La pianta a chërs an pressa, sò bòsch a l'é arzistent e a traten bin ël teren, con soe rèis potente e slargà findi a 10 o 20 méter dantorn a la sëppa.
Le fior a-j piaso motobin a j'avìe.
Ambient A chërs daspërtut, anfestanta, an espansion. A l'é stàita amportà an Euròpa dël 1600, da jë Stat Unì orientaj an Fransa. An Italia a l'é stàita amportà doi sécoj apress. A së spantia a spèise dle piante nostran-e.
Proprietà Le feuje a son purgative.
Cusin-a A venta cheuje le fior sarà, e peui as peul fess-ne dle marmlade. As peulo ëdcò fricassesse.
Arferiment bibliogràfich për chi a veul fé dj'arserche pì ancreuse
Robinia pseudoacacia L.
Categorìa:Erbe an cusin-a Categorìa:Robinia